<p><span style="color: #000000;"><strong>(ជប៉ុន)៖</strong> ប្រជាពលរដ្ឋជប៉ុនរាប់សិបនាក់ បានប្រមូលផ្តុំគ្នាសម្តែងការតវ៉ា ប្រឆាំងចំពោះដំណើរ ទស្សនកិច្ចប្រធានាធិបតី អាមេរិកលោក បារ៉ាក់ អូបាម៉ា មកកាន់ទីក្រុងហ៊ីរ៉ូស៊ីម៉ា រួមទាំងនាយករដ្ឋមន្ត្រី ជប៉ុនលោក ស៊ីនហ្សូ អាបេ ផងដែរ បន្ទាប់ពីពួកគេបានដឹង ច្បាស់ថាមេដឹកនាំពិភពលោកនេះ នឹងមិនព្រមសូមទោសជប៉ុន រឿងទម្លាក់គ្រាប់បែកបរមាណូ នោះឡើយ។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃសុក្រ ទី២៧ ខែឧសភា ឆ្នាំ២០១៦។</span></p>
<p><span style="color: #000000;">ការតវ៉ាខាងលើនេះ បានកើតឡើងតាំងពីថ្ងៃព្រហស្បតិ៍ម្សិលមិញនេះមកម្ល៉េះ ដោយបានអូសបន្លាយមក ដល់ថ្ងៃសុក្រនេះ។ ក្រៅពីការទាមទារឲ្យលោក អូបាម៉ា សូមទោស ពួកគេនៅអំពាវនាវឲ្យសហរដ្ឋអាមេរិក ដកមូលដ្ឋានទ័ពទាំងអស់ចេញពីខេត្ត អូគីណាវ៉ា ព្រោះពួកគេចាត់ទុកថាយោធា និងសព្វាវុធទាំងនោះជា លេសដែលអាចបង្កសង្គ្រាមមួយទៀត នៅថ្ងៃអនាគត។ ក្នុងបដាមួយរបស់ក្រុមអ្នកតវ៉ាបាន សរសេរដូច្នេះថា «យើងមិនស្វាគមន៍អ្នកមកទីនេះទេ! លោក អូបាម៉ា និងលោក អាបេ! ឆាប់ចាកចេញពីហ៊ីរ៉ូស៊ីម៉ា នេះភ្លាមទៅ!»។</span></p>
<p><span style="color: #000000;">គួរបញ្ជាក់ថា ប្រទេសជប៉ុនបានទម្លាក់គ្រាប់បែក បរមាណូជាលើកដំបូង ក្នុងប្រវត្តិសាស្ត្រពិភពលោកទៅ លើទីក្រុងចំនួនពីររបស់ជប៉ុន គឺហ៊ីរ៉ូស៊ីម៉ា និង ណាហ្គាសាគិ កាលពីឆ្នាំ ១៩៤៥ ដែលបានធ្វើឲ្យជប៉ុន ចាញ់សង្គ្រាម និងក្លាយជាប្រទេសមួយ ស្ថិតក្រោមការត្រួតត្រារបស់អាមេរិក។ ទោះបីជាជាង ៧០ឆ្នាំ កន្លងផុតទៅហើយក្តី ក៏ជប៉ុននៅតែចង់ទាមទារឲ្យអាមេរិក សូមទោសចំពោះទង្វើកាលណោះ ប៉ុន្តែ អាមេរិកមិនដែលព្រមនោះឡើយ ព្រោះខ្លួនគិតថានេះជាទង្វើត្រឹមត្រូវ ដែលអាចការពារប្រជាជាតិ៕</span></p>
<p><br /><span style="color: #000000;"><a class="thickbox" title="" href="/FileManager/Commons/2016/5/27/1-27-05-2016--12-56-05.png"><span style="color: #000000;"><img src="/FileManager/Articles/mce/2016/5/27/1-27-05-2016--12-56-05.png" alt="" /></span></a></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>