<p><span style="color: #000000;"><strong>ភ្នំពេញ៖</strong> តារាចម្រៀងល្បីឈ្មោះ ប្រចាំផលិតកម្មសាន់ដេ កញ្ញា សុខ ពិសី ថ្មីៗនេះ បានរំលេចវត្តមានរបស់ខ្លួន ជាមួយរូបសម្រស់ថ្មីសន្លាង ប្រៀបដូចជាមនុស្សថ្មី បន្ទាប់ពីនាងបានចំណាយលុយ រាប់ម៉ឺនដុល្លារ កែកុនសម្ផស្សខុសប្លែកពីមុន ដែលធ្វើឲ្យទស្សនិកជន ចំណាំនាងស្ទើរតែមិនបាន ។ ប៉ុន្តែការចំណាយលុយទាំងដុំៗ កែប្រែមុខមាត់ជាមនុស្សថ្មីនេះ មិនបានទទួលការសាទរ ពីអ្នកគាំទ្ររបស់នាងទេ ពោលបែរជាផ្ទុះនូវ សំឡេងរិះគន់យ៉ាង ចាស់ដៃ ថាផ្ទៃមុខ របស់នាងអាក្រក់ មើលជាងមុនទៅទៀត។</span></p>
<p><span style="color: #000000;">នៅលើបណ្តាញទំនាក់ទំនង សង្គម Facebook មួយរយៈនេះ មានការផុសផុលយ៉ាងខ្លាំង ដោយធ្វើការ រិះគន់ចំៗទៅ លើតារាចម្រៀងសំឡេងផ្អែមស្រទន់ កញ្ញា សុខ ពិសី ថានាងខំប្រឹងប្រែងជះលុយរាប់ម៉ឺន ដុល្លារ កែសម្ផស្សស្ទើរតែគ្មានសល់ចន្លោះ ទាំងទម្រង់មុខ ចង្ការ ច្រមុះ និងផ្នែកមួយចំនួនទៀត នៅលើ រាងកាយរបស់នាង គឺត្រូវវះកាត់កែកុនទាំងអស់ ដោយមើលទៅមុខរបស់នាង នាពេលនេះ គឺប្រៀបបាន និងមនុស្សពីរនាក់ផ្សេងគ្នា ។</span></p>
<p><span style="color: #000000;">ជាទូទៅសម្រស់ តារាស្រីៗក្នុងស្រុកយើង មានចំនួនច្រើន បានធ្វើការកែច្នៃ សម្រស់វះកាត់ត្រង់នេះត្រង់នោះ ពង្រីកដើមទ្រូង ដើម្បីធ្វើឲ្យរូបសម្រស់របស់ពួកគេ មានសម្រស់ស្រស់ត្រកាល ទាក់ទាញការចាប់អារម្មណ៍ ថែមមួយកម្រិតទៀត។ នៅក្នុងនោះ តារាចម្រៀងល្បី កញ្ញា សុខ ពិសី រយៈពេលប្រមាណ ជិត២ឆ្នាំនេះ បានខំប្រឹងស្តារប្រជាប្រិយភាពរបស់ខ្លួនឡើងវិញ ទាំងការតុបតែងខ្លួន និងការកែកុន សម្រស់ ដោយនាងបានជ្រើសរើស យកការវះកាត់កែសម្រស់ ឲ្យកាន់តែស្រស់ស្អាត និងទាក់ទាញ ការចាប់អារម្មណ៍មួយកម្រិតទៀត។</span></p>
<p><span style="color: #000000;">ទន្ទឹមនឹងនោះ សុខ ពិសី បែរជាទទួលបាននូវការរិះគន់ មិនសំចៃ ពីអ្នកគាំទ្រ ទៅលើការកែកុនសម្រស់របស់នាង ដោយមានអ្នក ខ្លះរិះគន់ថា «កែសម្រស់ទៅ អាក្រក់មើលជាងមុន ច្រមុះដូចឈើ មើលសឹងតែមិនចង់ស្គាល់ កែខ្លាំងពេកដូចស្វា កែប៉ុណ្ណឹងហើយ នៅមើលមិនយល់ទៀត….» ។ </span><br /><span style="color: #000000;">តាមរយៈការរិះគន់នេះ គេហទំព័រ LookingTODAY មិនទាន់អាចទាក់ទង ទៅតារាស្រីសាច់ស កញ្ញា សុខ ពិសី បានទេ នៅថ្ងៃទី៣១ ខែកក្កដា ឆ្នាំ២០១៥នេះ ប៉ុន្តែយើងស្វាគមន៍ រង់ចាំការបកស្រាយរបស់នាង នៅពេលក្រោយ ដោយក្ដីរាយរាយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/1/23-01-08-2015--09-17-25.jpg"><img src="/FileManager/Articles/mce/2015/8/1/23-01-08-2015--09-17-25.jpg" alt="" /></a></span></p>
<p><a class="thickbox" title="" href="/FileManager/Commons/2015/8/1/24-01-08-2015--09-17-34.jpg"><img src="/FileManager/Articles/mce/2015/8/1/24-01-08-2015--09-17-34.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/1/23-01-08-2015--09-17-25.jpg"></a></span></p>
<p><a class="thickbox" title="" href="/FileManager/Commons/2015/8/1/25-01-08-2015--09-17-41.jpg"><img src="/FileManager/Articles/mce/2015/8/1/25-01-08-2015--09-17-41.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>