<p><span style="color: #000000;"><strong>(វ៉ាស៊ីនតោន)៖</strong> ប្រធានាធិបតីអាមេរិក លោក ដូណាល់ ត្រាំ បានបណ្ដេញអគ្គរដ្ឋអាជ្ញារងលោកស្រី សាលី យ៉ាតែស (Sally Yates) ចេញពីតំណែងហើយ ដែលការសម្រេចចិត្តបែបនេះធ្វើឡើងតែប៉ុន្មានម៉ោងប៉ុណ្ណោះ បន្ទាប់ពីលោកស្រីបានបង្គាប់ឱ្យក្រសួងយុត្តិធម៌ មិនឱ្យគាំទ្រដល់បទបញ្ជាដ៏ចម្រូងចម្រាស់របស់ប្រធានាធិបតីអាមេរិក ជុំវិញការហាមឃាត់ជនអន្តោប្រវេសន៍ ជាពិសេសគឺជនមូស្លីមមកពីបណ្ដាប្រទេសចំនួន០៧ មិនឱ្យឈានជើងជាន់ទឹកអាមេរិក។ នេះបើតាមការចេញផ្សាយដោយសារព័ត៌មាន Channel News Asia នៅព្រឹកថ្ងៃអង្គារ ទី៣១ ខែមករា ឆ្នាំ២០១៧។</span></p>
<p><br /><a class="thickbox" title="" href="/FileManager/Commons/2017/1/31/13c-31-01-2017--10-35-43.jpg"><img src="/FileManager/Articles/mce/2017/1/31/13c-31-01-2017--10-35-43.jpg" alt="" /></a></p>
<p><span style="color: #000000;">ថ្លែងក្នុងសេចក្ដីប្រកាសព័ត៌មាន សេតវិមានបានបញ្ជាក់ដូច្នេះថា <strong>«អគ្គរដ្ឋអាជ្ញារងលោកស្រី សាលី យ៉ាតែស បានក្បត់នឹងក្រសួងយុត្តិធម៌ ដោយបានបដិសេធអនុវត្តន៍បទបញ្ជាស្របច្បាប់ ដែលមានគោលដៅការពារប្រជាជនអាមេរិក។ ដូច្នេះទើបប្រធានាធិបតីលោក ដូណាល់ ត្រាំ សម្រេចចិត្តដកលោកស្រីចេញពីតំណែង ហើយតែងតាំងរដ្ឋអាជ្ញាមកពីតំបន់ភាគខាងកើតនៃរដ្ឋ Virginia លោក ដាណា ប៊ឺនតេ (Dana Boente) ជាអគ្គរដ្ឋអាជ្ញារងបណ្តោះអាសន្ន រហូតដល់ព្រឹទ្ធសមាជិកលោក ចែហ្វ សេសសិន (Jeff Sessions) ត្រូវបានព្រឹទ្ធសភាទទួលស្គាល់</strong>»។</span></p>
<p><span style="color: #000000;">គួរបញ្ជាក់ថាអគ្គរដ្ឋអាជ្ញារងលោកស្រី សាលី យ៉ាតែស ដែលត្រូវបានតែងតាំងដោយលោក បារ៉ាក់ អូបាម៉ា បាននិយាយថា លោកស្រីមិនជឿនោះទេថា <strong>«បទបញ្ជាប្រធានាធិបតីលោក ដូណាល់ ត្រាំ គឺស្របច្បាប់ ពាក់ព័ន្ធនឹងការហាមឃាត់ជនម៉ូស្លីមមកពីប្រទេសចំនួន០៧ មិនឱ្យចូលសហរដ្ឋអាមេរិក ខណៈការសម្រេចចិត្តនេះកំពុងបង្កភាពចម្រូងចម្រាស់ និងបាតុកម្មតវ៉ាជាច្រើនទាំងនៅក្នុងសហរដ្ឋអាមេរិក និងនៅបរទេស»</strong>។</span></p>
<p><span style="color: #000000;">ជាងនេះទៅទៀតសូម្បីតែអ្នកការទូតអាមេរិកជាច្រើននាក់ ក៏បានរិះគន់លើបទបញ្ជានេះដែរ ដោយពួកគេយល់ថា វាមិនមែនជាវិធានការជួយពង្រឹង ក៏ដូចជាធ្វើឱ្យសហរដ្ឋអាមេរិកកាន់ តែមានសុវត្ថិភាពនោះទេ តែវាគ្រាន់តែសារខុសឆ្គងមួយផ្ញើទៅកាន់ជនម៉ូស្លីម (អ្នកកាន់សាសនាអ៊ីស្លាម) នៅទូទាំងពិភពលោកតែ ប៉ុណ្ណោះ។ ប្រជាជនមកពីប្រទេសចំនួន០៧ដែលត្រូវបានលោក ដូណាល់ ត្រាំ ហាមមិនឱ្យជាន់ដីអាមេរិក រួមមាន អ៊ីរ៉ាក់ ស៊ីរី អ៊ីរ៉ង់ លីប៊ី សូម៉ាលី ស៊ូដង់ និងយ៉េមែន៕</span></p>
<p><span style="color: #0000ff;"><a href="/News/Detail/33266/trump-latest-executive-order-banning-people-from-7-countries-and-more" target="_blank"><span style="color: #0000ff;">-Donald Trump ស៊ីញ៉េមួយខ្វាច់ ផ្អើលពិភពលោក ហាម ៧ប្រទេស ស្មើ ២១៨លាននាក់ មិនឲ្យជាន់ទឹកដី អាមេរិក</span></a></span></p>
<p> </p>
<p><span style="color: #000000;"><a class="thickbox" title="" href="/FileManager/Commons/2017/1/31/13b-31-01-2017--10-33-56.jpg"><img src="/FileManager/Articles/mce/2017/1/31/13b-31-01-2017--10-33-56.jpg" alt="" /></a><br /></span></p>
<p><br /><a class="thickbox" title="" href="/FileManager/Commons/2017/1/31/13d-31-01-2017--10-37-15.jpg"><img src="/FileManager/Articles/mce/2017/1/31/13d-31-01-2017--10-37-15.jpg" alt="" /></a><span style="color: #000000;"><br /></span></p>
<p style="text-align: right;"> </p>
<p style="text-align: right;"><span style="color: #000000;">ប្រភព ៖ CNA</span><br /><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>