<p><span style="color: #000000;"><strong>(ចិន)៖</strong> ម្ចាស់រថយន្តដឹកទំនិញមួយគ្រឿង នៅប្រទេសចិន បានធ្វើឲ្យអ្នកដំណើរ នៅតាមដងផ្លូវមានការភ្ញាក់ផ្អើលជាខ្លាំង នៅពេលដែលពួកគេ ប្រទះឃើញគាត់ កំពុងបើករថយន្ត ដែលរងការឆាបឆេះ ដោយអណ្តាតភ្លើងយ៉ាងសន្ធោសន្ធៅ ទៅកាន់ស្ថានីយពន្លត់អគ្គិភ័យ។</span></p>
<p><span style="color: #000000;">រូបភាពនេះ ត្រូវបានអ្នកដំណើរលួចថត យកទៅបង្ហោះលើប្រព័ន្ធអ៊ីនធឺណេត ដែលហេតុការណ៍កើតឡើង នៅក្នុងខេត្ត Hefei នៅពេលទៅដល់ស្ថានីយ ពន្លត់អគ្គីភ័យ ក៏មានក្រុមពន្លត់ប្រមាណ២៥នាក់ ស្ទុះចេញមកជួយពន្លត់ភ្លើង ដែលឆាបឆេះរថយន្តនោះភ្លាមៗដែរ ហើយម្ចាស់រថយន្តមិនរងរបួសអ្វីធ្ងន់ធ្ងរទេ។</span></p>
<p><span style="color: #000000;">បុរសជាម្ចាស់រថយន្ត បានប្រាប់ក្រុមពន្លត់អគ្គិភ័យថា រថយន្តរបស់គាត់កំពុងដឹកឈើ ហើយស្រាប់តែរងការឆាបឆេះឡើង ខណៈដែលគាត់កំពុងបើកបរទើប គិតឃើញភ្លាមៗ គាត់ក៏សម្រេចចិត្ត បើករថយន្តទៅកាន់ស្ថានីយពន្លត់អគ្គិភ័យ នៅក្បែរនោះតែម្តង មុននឹងទូរស័ព្ទរកអ្នកជួយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/26/18a-26-01-2016--15-52-16.jpg"><span style="color: #000000;"><img src="/FileManager/Articles/mce/2016/1/26/18a-26-01-2016--15-52-16.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>