<p>ព័ត៌មានកីឡា៖ ហង្សក្រហម Liverpool បានយល់ចុះហត្ថលេខាលើកិច្ចព្រមព្រៀងមួយស្ដីអំពីការផ្ទេរអ្នកចាំទី គឺកីឡាករ Pepe Reina ទៅកាន់ Bayern Munich របស់អាល្លឺម៉ង់។សូមបញ្ជាក់ថាកីឡាកររូបនេះធ្លាប់បានចូលទៅក្នុងក្លឹប Merseyside Clube ម្ដងរួចមកហើយកាលពីឆ្នាំ២០០៥ ហើយមិនត្រឹមតែប៉ុណ្ណោះ កីឡាកររួបនេះក៏បានលេងឲ្យ Liverpool ចំនួន ៣៩៤ ដងដូចគ្នាដែរ ។</p>
<p>គួរបញ្ជាក់ផងដែរថា កិច្ចព្រមព្រៀងក្នុងការដោះដូរលើកនេះ ត្រូវបានប្រកាសជាផ្លូវការ ដោយនៅក្នុង នោះ រង់ចាំតែ ការត្រួតពិនិត្យ សុខភាព នោះទេ បន្ទាប់ពីមាន ភាពស្រុះស្រួល ទាក់ទិនទៅនឹងតម្លៃខ្លួន ។ </p>
<p>បើយោងទៅតាមសម្ដីផ្ទាល់របស់លោក Karl-Heinz Rummenigge ប្រធានរបស់ Bayern Munich បាននិយាយថា Pepe Reina គឺពិតជាសប្បាយចិត្ដ ហើយក៏មានបំណងចង់ចូលមកកាន់ Bayern Munich ផងដែរ ទោះបីជាគាត់ដឹងច្បាស់ថា នៅ Bayern Munich មានកីឡាករល្បីឈ្មោះ Manuel Neuer រួចទៅហើយ ដែលជាកីឡាករឆ្នើមឈរលើលំដាប់ថ្នាក់លេខ ១ ផ្នែកខាងចាំទី។</p>
<p><a class="thickbox" title="" href="/FileManager/Commons/2014/8/6/76765176reinagetty-06-08-2014--14-23-27.jpg"><img src="/FileManager/Articles/mce/2014/8/6/76765176reinagetty-06-08-2014--14-23-27.jpg" alt="" /></a></p>
<p> </p>
<p style="text-align: right;">ប្រែសម្រួលដោយ៖ អឿ អ៊ុយ<br />ប្រភព៖ BBC</p>