<p>គណកម្មការ Olympic និង Paralympic London មានសង្ឃឹមយ៉ាងខ្លាំងក្លាទៅលើប្រាក់ចំណូល<br />ដែលបានមកពីការផ្សាយពាណិជ្ជកម្ម។ ប៉ុន្ដែ មកទល់នឹងពេលនេះចំនួនទឹកប្រាក់ដែលបានពី<br />ការផ្សាយពាណិជ្ជកម្ម មិនទាន់បាន ២ពាន់លានដុល្លារនៅឡើយ ខណៈដែលទឹកប្រាក់ដែលត្រូវ<br />ចំណាយក្នុងការព្រឹត្តិការណ៍នេះ គឺ ១៥ពាន់លានដុល្លារ។</p>
<p><a class="thickbox" title="" href="/FileManager/Commons/2012/6/5/making-the-laws-really-wide-and-vague-05-06-2012--15-20-09.jpg"><img src="/FileManager/Articles/mce/2012/6/5/making-the-laws-really-wide-and-vague-05-06-2012--15-20-09.jpg" alt="" /></a></p>
<p>ដូច្នេះហើយបានជា LOCOG ក៏បានបញ្ចេញការផ្ដល់អទិភាពដ៏គួរអោយភ្ញាក់ផ្អើលដល់ម្ចាស់<br />ឧបត្ថម្ភចំនួន ៥០ក្រុមហ៊ុន ដូចជាផ្ដល់នូវកញ្ចប់តម្លៃឧបត្ថម្ភដែលមានតម្លៃខ្ពស់បំផុត គឺ ១៥៧<br />លានដុល្លារ យីហោ ផលិតផលត្រូវបានធានានូវការអោយមានការផ្សព្វផ្សាយយ៉ាងទូលំទូលាយ<br /> និងហាមជាដាច់ខាតនូវការផ្សាយពាណិជ្ជកម្មរបស់ក្រុមហ៊ុនដទៃនៅទីនេះ។</p>
<p><em>ការផ្សាយពាណិជ្ជកម្មមិនផ្ទាល់</em></p>
<p>អ្នកតំណាងរបស់ LOCOG អោយដឹងថា ៖ "ការកំណត់របស់យើងគឺមានលក្ខណៈទូលំទូលាយ<br /> ដូច្នេះ យុទ្ធនាការផ្សាយពាណិជ្ជកម្មណាមួយដែលឆ្លៀតឱកាសក្នុងអូឡាំពិកនេះគឺសុទ្ធតែខុស<br /> ច្បាប់។ សូម្បីតែការផ្សាយពាណិជ្ជកម្មដែលមិននិយាយផ្ទាល់ ក៏ត្រូវពិន័យ"។</p>
<p><em>តំបន់ដាក់យីហោផ្ដាច់មុខ</em></p>
<p>LOCOG បានកំណត់នូវទីតាំងជាច្រើន ដែលការផ្សាយពាណិជ្ជកម្មដែលមិនមែនជារបស់ម្ចាស់<br />ឧបត្ថម្ភ នឹងត្រូវបានចាត់ទុកជាការរំលោភច្បាប់។ បញ្ហានៅទីនេះគឺ "តំបន់ហាមឃាត់" នេះមាន<br />ទំហំធំក្នុងទីលានប្រារព្ធការប្រកួតអូឡាំពិក។ ការព្យួររូបថតធម្មតាក៏ត្រូវបានហាមនៅទីនេះ។</p>
<p><em>បិទបាំងយីហោក្នុងបន្ទប់អនាម័យសាធារណៈ</em></p>
<p><a class="thickbox" title="" href="/FileManager/Commons/2012/6/5/publictoilet-05-06-2012--15-20-41.jpg"><img src="/FileManager/Articles/mce/2012/6/5/publictoilet-05-06-2012--15-20-41.jpg" alt="" /></a></p>
<p>តាមការកំណត់ យីហោនៅលើឧបករណ៍ក្នុងបន្ទប់ទឹកដែលមិនមែនជារបស់អ្នកឧបត្ថម្ភគឺត្រូវ<br /> តែបិទបាំង។</p>
<p><em>ដកហូតមេដាយប្រសិនផ្សាយពាណិជ្ជកម្មមិនផ្ទាល់នៅលើអ៊ីធើរណែត</em></p>
<p><a class="thickbox" title="" href="/FileManager/Commons/2012/6/5/athletes-could-forfeit-their-gold-medals-if-they-use-twitter-05-06-2012--15-21-20.jpg"><img src="/FileManager/Articles/mce/2012/6/5/athletes-could-forfeit-their-gold-medals-if-they-use-twitter-05-06-2012--15-21-20.jpg" alt="" /></a></p>
<p>យោងតាមការកំណត់ស្ដីពីការប្រើប្រាស់ទំព័រសង្គម ប្លក់ និងអ៊ីនធើរណែត នៅអូឡាំពិក ឆ្នាំ<br /> ២០១២ "កីឡាករ កីឡារនី និងអ្នកទាក់ទឹន មិនត្រូវបានអនុញ្ញាតអោយផ្សាយពាណិជ្ជកម្ម<br />អោយយីហោណាមួយ នៅពេលបង្ហោះ ឬសរសេរនៅលើ ប្លក់"។</p>
<p><em>Twitter ដើម្បីស្កាត់ tag ដែលមិនទាន់មានការអនុញ្ញាត</em></p>
<p>Twitter បានយល់ព្រមសហការណ៍ជាមួយ LOCOG ដើម្បីទប់ស្កាត់យីហោដែលឆ្លៀតឱកាស<br />ក្នុងអូឡាំពិកដោយប្រើ tag ដូចជា drink@gatorade at #london2012។ កាលពីសប្ដាហ៍មុន<br />Twitter ក៏បានលុបចោលនូវគណនីមួយចំនួន ដែលមានប្រើសញ្ញា អូឡាំពិក៕</p>
<p style="text-align: right;">ដោយ ៖ សូរីយ៉ា<br />ប្រភព ៖ businessinsider</p>