<p><span style="color: #000000;"><strong>(ឡុងដ៍)៖</strong> នាយករដ្ឋមន្ត្រីអង់គ្លេសលោក ដេវីដ ខេម៉ឺរ៉ូន បានប្រកាសនៅថ្ងៃចន្ទនេះថា ចក្រភពអង់គ្លេស ដែលទើបចាកចេញពីសហភាពអឺរ៉ុប បានទទួលយកភាពជាដៃគូយុទ្ធសាស្ត្រថ្មី ជាមួយនឹងក្រុមបច្ចេកវិទ្យា អវកាសអាមេរិក Boeing (ប៊ូអ៊ីង) ជាតំណាក់កាលដំបូងមានការវិនិយោគ ក្នុងគំរោងទឹកប្រាក់ ៥១៦លានដុល្លារអាមេរិក ទៅលើការស្រាវជ្រាវទីអវកាស និង ការអភិវឌ្ឍគំរោង នានាបន្ថែមទៀត។ នេះបើតាមស៊ិនហួរ ចេញផ្សាយនាយប់ថ្ងៃចន្ទ ទី១១ ខែកក្កដា ឆ្នាំ២០១៦។</span></p>
<p><span style="color: #000000;">នៅក្នុងសេចក្តីប្រកាសនោះដែរលោក ខេម៉ឺរ៉ូន បានបង្ហាញសុទិដ្ឋិនិយមខ្ពស់ថា ចក្រភពអង់គ្លេសនឹង នៅតែជាប្រទេសដែលនាំមុខគេ ជានិច្ចនៅក្នុងឧស្សាហកម្មអវកាស។ សម្រាប់ការវិនិយោគខាងលើនេះ ក្រុមហ៊ុនយក្សប៊ូអ៊ីងរបស់អាមេរិក ក៏បានអះអាងផងដែរថា នឹងអាចផ្តល់ការងារជាង ២,០០០កន្លែង ដល់ប្រជាជនអង់គ្លេស ព្រមទាំងជម្រុញសេដ្ឋកិច្ច ចក្រភពនេះឲ្យនៅតែខ្លាំងដដែល។</span></p>
<p><span style="color: #000000;">គួរបញ្ជាក់ថា បន្ទាប់ពីអង់គ្លេសចាកចេញពីសហភាពអឺរ៉ុបទៅ ដៃគូដ៏សំខាន់បំផុតនៃវិស័យសេដ្ឋកិច្ច និង នយោបាយរបស់អង់គ្លេសនោះ គឺនៅតែជាសហរដ្ឋអាមេរិក ដូចដែលប្រធានាធិបតីលោក បារ៉ាក់ អូបាម៉ា ធ្លាប់បានលើកឡើងតាំងពីមុនការបោះឆ្នោត Brexit មកម្ល៉េះថា ទោះបីអង់គ្លេសចេញឬនៅបន្ត ក្នុងសហភាពអឺរ៉ុបក៏ដោយ ក៏អាមេរិកនៅតែជាដៃគូយុទ្ធសាស្ត្រ មិនអាចខ្វះបានជាមួយអង់គ្លេស៕</span></p>
<p><a class="thickbox" title="" href="/FileManager/Commons/2016/7/12/92a-12-07-2016--13-56-46.jpg"><img src="/FileManager/Articles/mce/2016/7/12/92a-12-07-2016--13-56-46.jpg" alt="" /></a></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>