<p><strong>ព័ត៌មានអន្តរជាតិ ៖</strong> បើយោងតាមការដកស្រង់សេចក្តីរាយការណ៍ ដែលទើបតែបានចេញ<br />ផ្សាយដោយ គេហទំព័រសារព័ត៌មានបរទេស worldnews កាលពីពេលកន្លងទៅនេះ បាន<br />បញ្ជាក់អោយដឹងថា មានភាពភ្ញាក់ផ្អើល បានកើតមានឡើងមួយរំពេច ខណៈពេលដែល<br />មនុស្សពីរនាក់បានស្លាប់បាត់បង់ជីវិត ស្របពេលដែលច្រើននាក់ផ្សេងទៀត បានរងរបួស<br /> បន្ទាប់ពីមានការវាយប្រហារពីសំណាក់ពីងពាងមានពិសបំផុត ទៅលើប្រជាពលរដ្ឋរស់នៅ<br />ក្នុងភូមិមួយ ភាគខាងជើងប្រទេសឥណ្ឌា។</p>
<p>គួរបញ្ជាក់ផងដែរថា ភ្លាមៗនោះ ក៏មានការអន្តរាគមន៍ ដោយបានបញ្ជូនជនរងគ្រោះទាំង<br />អស់ទៅកាន់មន្ទីរពេទ្យ ស្របពេលដែលលោកវេជ្ជបណ្ឌិត បានប្រើមុខឡាម ក្នុងការបង្ហូរ<br />ពិសចេញ តែដោយឡែក ក្នុងចំណោមជនរងគ្រោះទាំងអស់ មនុស្សពីរនាក់ ត្រូវបានស្លាប់<br />បាត់បង់ជីវិត ក៏ព្រោះតែសារធាតុពិស ជ្រាបចូលជ្រៅបាត់ទៅហើយ។</p>
<p><a class="thickbox" title="" href="/FileManager/Commons/2013/4/19/images-19-04-2013--08-35-50.jpg"><img src="/FileManager/Articles/mce/2013/4/19/images-19-04-2013--08-35-50.jpg" alt="" width="442" height="299" /></a><br /><span style="color: #3366ff;">ប្រភេទពីងពាងមានពិសខ្លាំងបំផុត អាចសម្លាប់ជីវិតមនុស្សបាន រស់នៅក្នុងប្រទេសឥណ្ឌា</span></p>
<p>បើយោងតាមសម្តីជនរងគ្រោះម្នាក់ លោក Kurmi Mina បានគូសបញ្ជាក់អោយដឹងថា<br />អំឡុងពេលនៃការកើតមានឡើងនូវ ការវាយប្រហារពីសំណាក់ ពីងពាងពិសប្រភេទនោះ<br />ភ្លាមៗនោះ លោកបានឃើញវា និងចាប់វាបំណងគ្រវែងទៅអោយឆ្ងាយ តែវាបែរជាខាំ<br />គាត់ទៅវិញ ហើយបើនិយាយពីមុខរបួសវិញ ដំបូងឡើយវាហូរឈាម បន្តិចក្រោយមក<br />ស្បែកគាត់ឡើងខ្មៅ និងចាប់ផ្តើមឈឺចាប់កាន់តែខ្លាំងតែម្តង។</p>
<p>លើសពីនេះក៏មានការប្រកាសអាសន្នពីសំណាក់រដ្ឋាភិបាលក្នុងស្រុក ដោយប្រកាសអោយ<br />ប្រជាពលរដ្ឋ គេងបើកភ្លើងជាប់ជានិច្ចនាពេលរាត្រី បង្កាកុំអោយកើតមានឡើងនូវឧបទ្ទេវ<br />ហេតុស្រដៀងគ្នានេះ ស្របពេលដែលវិធានការត្រូវបានចាត់ឡើង ដើម្បីតាមប្រមាញ់ពីង<br />ពាងពិសប្រភេទនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ worldnews </p>