<p><span style="color: #000000;"><strong>(អូស្រ្តាលី)៖</strong> ទស្សនិកជន ពិតជានៅចាំបានថា ស្រីស្អាត ប្រាសាទ ដាវីន ក្នុងវ័យ១៧ឆ្នាំ ប្រាសាទ ដាវីន មានឈ្មោះកំណើត វ៉ែន ដាវីន បានចូលប្រឡូកក្នុងវិស័យសិល្បៈ តាមរយៈការប្រឡង Freshe Girl ក្នុងឆ្នាំ២០០៥ ដែលកាលនោះ នាងទទួលបានចំណាត់ថ្នាក់លេខ៣។ ប៉ុន្តែអ្វីដែលធ្វើឲ្យស្រីស្អាត មានឈ្មោះល្បីម្នាក់នេះ ត្រូវឃ្លាតឆ្ងាយពីសិល្បៈ រហូតមកដល់សព្វថ្ងៃនេះ ព្រោះតែការភ័យខ្លាចពីសុវត្ថិភាពផ្ទាល់ខ្លួន បន្ទាប់ពីនាងជួបប្រទះនូវរឿងរ៉ាវ ជនអនាមិកបង្កៃគ្រាប់បែកក្នុងផ្ទះរបស់នាង កាលពីអំឡុងឆ្នាំ២០០៨ ធ្វើឲ្យនាងជម្លៀសខ្លួនចេញពីប្រទេសកម្ពុជា តាំងពីពេលនោះមក។</span></p>
<p><span style="color: #000000;">ជាមួយនឹងរាងខ្ពស់ស្រឡះ រហូតដល់១,៧៥ម. តារាសម្បុរស្រអែម និងមានទម្រង់មុខដូចនារីបែបបស្ចិមប្រទេស នាង ប្រសាទ ដាវីន បានដើរលើវិថីសិល្បៈគួរឲ្យភ្ញាក់ផ្អើល ហើយអ្វីដែលជំរុញឲ្យគេស្គាល់នាង កាន់តែច្បាស់នោះ គឺតាមរយៈការថតរូប និងការដើរបង្ហាញម៉ូដ ដែលនៅពេលនោះ សូម្បីតែតារាជើងចាស់មួយចំនួន ក៏ស្ទើរតែមិនអាចទប់ជាប់ នឹងទេពកោសល្យសិល្បៈរបស់នាងដែរ។</span></p>
<p><span style="color: #000000;">ខណៈដែលភាពល្បីល្បាញ កំពុងតែហក់ឡើងខ្ពស់ នៅក្នុងឆ្នាំ២០០៨ តារារូបនេះ ក៏មានឱកាសបាន ទៅសម្តែងនៅប្រទេសបារាំង។ ស្របគ្នានឹងការចាកចេញ ពីប្រទេសមិនទាន់បាន១សប្តាហ៍ផង ស្រាប់តែមានជនអនាមិក បានយកគ្រាប់បែក និងគ្រាប់កាំភ្លើង ភ្ជាប់ជាមួយសំបុត្រមួយច្បាប់ បោះចូលទៅក្នុងផ្ទះរបស់នាង នៅថ្ងៃទី១៦កញ្ញា ឆ្នាំ២០០៨ ដើម្បីជាការគំរាម និងប៉ុនប៉ងដល់អាយុជីវិតនាង និងគ្រួសារ។</span></p>
<p><span style="color: #000000;">ទោះបីជាមានឪពុកជាមន្ត្រីយោធាក៏ដោយ ក៏ភាពភ័យខ្លាច នៅតែកើតមានចំពោះ ប្រាសាទ ដាវីន និងក្រុមគ្រួសារដដែល ហើយករណីនេះបានតម្រូវឲ្យដាវីន ត្រូវភៀសខ្លួន ទៅក្រៅប្រទេសជាច្រើនឆ្នាំ ទើបតែនៅពេលនេះ ដែលនាងហ៊ានចេញមុខ នៅប្រទេសអូស្ត្រាលី និងហ៊ានវិលមកកម្ពុជាជាថ្មី។</span></p>
<p><span style="color: #000000;">អ្នកនៅប្រទេសអូស្ត្រាលី និយាយថា ការរស់នៅរបស់ ប្រាសាទដាវីន មានជីវភាពធូរធារធម្មតា ព្រោះនាងមានការងារធ្វើ បានទទួលការទំនុកបម្រុង ពីស្វាមីនិងក្រុមគ្រួសារទាំងស្រុង ហើយតារារូបនេះ ក៏ប្រហែលជាលែងចង់ មករស់នៅស្រុកខ្មែរវិញដែរ ព្រោះនាងកំពុងរៀបចំ គ្រួសារដ៏ល្អមួយនៅទីនោះ។ ក្រៅពីមានជីវភាពធូរធា រូបសម្រស់នាង ក៏មិនធម្មតា ពិសេសនាង បានព្រលែងខ្លួន ក្នុងឈុតហែលទឹក ហើយបានលេងយោហ្គា ដែលជាកីឡាកាយវប្បកម្ម សម្រាប់នារីៗ ហើយរូបរាងនាង នៅតែសិចស៊ីខ្លាំង មិនចាញ់ជំនាន់នាង ប្រឡូកសិល្បៈកាលពី៨ឆ្នាំមុនឡើយ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14051572_1537116539647984_30175826414924873_n.jpg?oh=9773b1d502061e4637a7adcb5ad82ba1&oe=5853605C" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xta1/v/t1.0-9/14102341_1537116546314650_3250707716842603889_n.jpg?oh=bd83d9df65cbc4d9def11f33e0f979f8&oe=5812E630&__gda__=1481833677_7f17fe75da29a4a23711cfde37af6306" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xal1/v/t1.0-9/14046049_1537116542981317_7135833520563878435_n.jpg?oh=60b6a0276dbd9cfb56b71397f45e5f17&oe=585D2B6D&__gda__=1480787009_6bec2073ca08d0a812ca8973e724cc8e" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14021479_1537116639647974_4502306159726039507_n.jpg?oh=c329b2d5298c93909e61c6287bc90a4e&oe=585F081F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14040055_1537116632981308_7959103459371273774_n.jpg?oh=59dcb76f60935fa6c33635cebcd9d0b0&oe=5855352D" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>