<p><strong>ព័ត៌មានអន្តរជាតិ ៖</strong> អ្នកជម្ងឺស្រី ដែលបានវះកាត់ប្តូរសរីរាង្គដល់ទៅ ៥ ជាលទ្ធផលបានផ្តល់<br />កំណើតដល់កូនស្រីរយៈខ្លួន ក្នុងរយៈពេល ៦ ខែក្រោយ បន្ទាប់ពីបានធ្វើការវះកាត់នៅក្នុងមន្ទីរ<br />ពេទ្យតែមួយ នេះបើយោងតាមសេចក្តីរាយការណ៍ព័ត៌មាន ដែលបានចេញផ្សាយដោយទំព័រ<br />បរទេស ស្កាយ កាលពីថ្ងៃព្រហស្បត្តិ៍ កន្លងទៅនេះ។</p>
<p>គួរបញ្ជាក់ផងដែរថា ស្រ្តីដែលជាអ្នកជម្ងឺរូបនោះ មានឈ្មោះថា Fatema Al Ansari ហើយត្រូវ<br />បានរកអោយឃើញថា កាលពីអំឡុង ៦ ខែមុន នាងត្រូវបានវះកាត់ប្តូរសរីរាង្គដល់ទៅ៥ ដែល<br />នៅក្នុងនោះ រួមមានដូចជា ៖ ការវះកាត់ប្តូរថ្លើម លំពែង ក្រពះ ពោះវៀន ក៏ដូចជា ពោះវៀនធំ<br />ផងដែរ។</p>
<p><a class="thickbox" title="" href="/FileManager/Commons/2013/3/15/five-organ-transplant-patient-gives-birth-15-03-2013--10-49-09.jpg"><img src="/FileManager/Articles/mce/2013/3/15/five-organ-transplant-patient-gives-birth-15-03-2013--10-49-09.jpg" alt="" width="461" height="287" /></a></p>
<p>លើសពីនេះទៅទៀត អ្នកម្តាយវ័យ ២៦ ឆ្នាំរូបនេះ ក៏បានគូសបញ្ជាក់ផងដែរថា នាងពិតជាមា<br />នអារម្មណ៍រីករាយជាខ្លាំង បន្ទាប់ពីនាងកើតបានកូនស្រី ប្រកបទៅដោយសុខភាពល្អរូបនេះ។<br />គួររំឭកផងដែរថា នាងក៏ត្រូវបាន ព្យាបាលពីសំណាក់ក្រុមវេជ្ជបណ្ឌិត កាលពីពេលកន្លងទៅ<br />បន្ទាប់ពីបានធ្វើរោគវិនិច្ឆ័យ និងត្រូវបានរកអោយឃើញថា មានការកកឈាមនៅក្នុងសរសៃ<br />ឈាមភ្ជាប់ទៅពោះវៀន។</p>
<p>យ៉ាងណាមិញ នាងគឺជាអ្នកជម្ងឺស្រីតែមួយគត់ ដែលអាចផ្តល់កំណើតដល់កូនស្រីរបស់ខ្លួន<br />បាន ក្នុងចំណោមអ្នកជម្ងឺស្រី ជាង ៦០០ នាក់ ចាប់តាំងពីឆ្នាំ ២០១១ ដែលបានធ្វើការវះកាត់<br />ប្តូរសរីរាង្គ ៥ ដូចគ្នានោះ ។ ដោយឡែក បើនិយាយពីកូនស្រីតូចរូបនោះវិញ មានឈ្មោះថា <br />Alkadi Alhayal ខណៈពេលដែលឪពុក ក៏ដូចជាស្វាមី មានឈ្មោះ Khalifa Alhayal ពួកគេ<br />ទាំង៣ នាក់ជាពលរដ្ឋ រស់នៅក្នុងប្រទេសហ្គាតា៕</p>
<p style="text-align: center;"><object width="450" height="400" data="http://www.youtube.com/v/ylZtOSebfeM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ylZtOSebfeM&rel=1" /></object></p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>