<p><span style="color: #000000;"><strong>(ឥណ្ឌា)៖</strong> ហេតុការណ៍គ្រោះថ្នាក់មួយ ដែលបានកើតឡើង នៅប្រទេសឥណ្ឌា បានឆក់ យកជីវិតស្ត្រីដ៏ធាត់ម្នាក់ និងប្តីរបស់នាង និងកូនប្រសាស្រីរងរបួស បន្ទាប់ពីអ្នកទាំងនេះ ជួបឧបទ្ទវហេតុដែលនឹកស្មាន មិនដល់មួយ។</span></p>
<p><span style="color: #000000;">Manjula Vithlani អាយុ៦៨ឆ្នាំ បានធ្លាក់ពីជណ្តើរ រួចក៏សង្កត់ចំក្បាលប្តីបណ្តាលឲ្យថប់ដង្ហើមស្លាប់ ព្រោះតែទម្ងន់ខ្លួននាងធំខ្លាំងពេក ដល់ទៅ២៨២ផោន។ តាមហេតុការណ៍ឲ្យដឹងថា ប្តីប្រពន្ធទាំងពីររស់នៅ ជាន់ទី១ក្នុងផ្ទះដែលស្ថិត នៅតំបន់ Nagpur ដោយនៅថ្ងៃនោះ ពួកគេបានដើរទៅមើលកូនប្រុស Ashish ដែលទើបរៀបការប្រពន្ធថ្មោងថ្មី ហើយពួកគេរស់នៅជាន់លើ ស្រាប់តែ Manjula ដើរទៅមុនក៏រអិលជើង ធ្លាក់មកលើប្តីដែលកំពុងដើរពីក្រោយ សង្កត់គ្នាតែម្តង ជាអកុសលមិន ត្រឹមតែបុរសជាប្តី ដាច់ខ្យល់ស្លាប់ទេ រីឯប្រពន្ធដែលសង្កត់ប្តីនោះ ក៏បាត់បង់ជីវិតដូចគ្នា ព្រោះអ្នកទាំងពីររងការប៉ះទង្គិចខួរក្បាលយ៉ាងខ្លាំង។</span></p>
<p><span style="color: #000000;">កូនប្រសាស្រី ឃើញហេតុការណ៍នេះ ក៏ស្ទុះទៅជួយឪពុកម្តាយក្មេក ប៉ុន្តែនាងក៏រអិលធ្លាក់ចុះ ពីកាំជណ្តើរដែរ ពេលនេះកំពុងសម្រាកព្យាបាលខ្លួន នៅមន្ទីរពេទ្យ ដោយសារបាក់ជើងម្ខាង៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/7/74-07-07-2016--14-04-10.jpg"><img src="/FileManager/Articles/mce/2016/7/7/74-07-07-2016--14-04-10.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>