<p><span style="color: #000000;">គណៈកម្មាធិការប្រយុទ្ធប្រឆាំងផលិតផលក្លែងក្លាយរបស់ក្រសួងមហាផ្ទៃ បានរឹបអូសឱសថក្លែងក្លាយរាប់ពាន់ប្រភេទ រួមទាំងថ្នាំបង្កើនផ្លូវភេទផងដែរ។</span></p>
<p><span style="color: #000000;">នៅក្នុងសន្និសីទសារព័ត៌មានមួយកាលពីថ្ងៃអង្គារ លោក ម៉ាក់ សោភ័ន រដ្ឋលេខាធិការក្រសួងការងារ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ បាននិយាយថា កាលពីថ្ងៃទី ២៧ ខែមីនា ប៉ូលិសបានធ្វើការឆ្មក់ចូលហាងចំនួន ៣ កន្លែង ជាហាងលក់ឱសថបុរាណចិន និងថ្នាំបង្កើនផ្លូវភេទ។</span></p>
<p><span style="color: #000000;">លោក សុផាណា បានមានប្រសាសន៍ថា ”បន្ទាប់ទទួលបានព័ត៌មានពីភ្នាក់ងារសម្ងាត់របស់យើង ហើយកងកម្លាំងប្រដាប់អាវុធ បានឆ្មក់ចូលហាងលក់ឱសថបុរាណចិន ៣ កន្លែង ក្នុងខណ្ឌដូនពេញ រាជធានីភ្នំពេញ” ។</span></p>
<p><span style="color: #000000;"><a class="thickbox" title="" href="/FileManager/Commons/2019/4/9/20-09-04-2019--15-59-39.PNG"><img src="/FileManager/Articles/mce/2019/4/9/20-09-04-2019--15-59-39.PNG" alt="" /></a><br /></span></p>
<p><span style="color: #000000;">លោកបានមានប្រសាសន៍ថា ”យើងបានរកឃើញថា ថ្នាំដែលមិនមានចុះបញ្ជីជាមួយក្រសួង រួមមានថ្នាំដែលផុតកំណត់ និងថ្នាំបង្កើនផ្លូវភេទបុរស និងស្ត្រីផងដែរ” ។ យើងបានរឹបអូសថ្នាំបង្កើនផ្លូវភេទចំនួន ១៨.១៦០ គ្រាប់ និងឱសថបុរាណចិនផ្សេងៗទៀត»។</span></p>
<p><span style="color: #000000;">លោក សុផាន់ណា បានបន្ថែមថា អ្នកជំនាញនឹងយកថ្នាំទាំងនោះទៅធ្វើពិសោធន៍ នៅមន្ទីរពិសោធន៍ ដើម្បីកំណត់ថា តើវាក្លែងក្លាយ និងបង្កបញ្ហាសុខភាពដល់អ្នកប្រើប្រាស់ឬអត់។</span></p>
<p><span style="color: #000000;">លោកបាននិយាយថា៖ ”កងកម្លាំងរបស់យើងកំពុងតែរៀបចំឯកសារ រួចនឹងបញ្ជូនសំណុំរឿងទាំងនោះទៅតុលាការ” ។</span></p>
<p><span style="color: #000000;">កាលពីឆ្នាំមុនក្រសួងសុខាភិបាល បានណែនាំអ្នកប្រើប្រាស់ មិនឱ្យទិញផលិតផលបង្កើនផ្លូវភេទបុរសឈ្មោះថា Good Man ពីព្រោះវាមិនបានចុះបញ្ជី ជាមួយក្រសួង ហើយអាចនាំទៅរកផលប៉ះពាល់ដល់សុខភាព៕ </span></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Fkhmertimes%2Fvideos%2F2240292762953416%2F&show_text=0&width=560" frameborder="0" width="500" height="500"></iframe></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/4/9/khmertime-09-04-2019--15-42-52.png" alt="" /></a><br /></span></p>
<div style="text-align: right;"><span style="color: #000000;">ប្រភព ៖ ហ្រ្វេសញ៉ូវអាសុី</span></div>