<div class="item-page">
<p><span style="color: #000000;"><strong>(កាណាដា)៖</strong> បុរសវ័យ២១ឆ្នាំម្នាក់ គឺលោក Chris Minnini រស់នៅកាណាដា បានចែករំលែករូបភាព ឪពុកម្តាយរបស់ខ្លួន ដែលកំពុងស្ថិតនៅក្នុង មន្ទីរពេទ្យមួយ តាមរយៈបណ្តាញសង្គម បង្ហាញពីទឹកចិត្តស្រឡាញ់គ្នា របស់ពួកគាត់ រហូតដល់វិនាទីចុងក្រោយ ធ្វើឲ្យមហាជន មានអារម្មណ៍ក្តុកក្តួល ខ្លាំងណាស់។</span></p>
<p><span style="color: #000000;">តាមរយៈរូបភាព បានបង្ហាញពីបុរសស្ត្រី វ័យចំណាស់មួយគូ កំពុងកាន់ដៃគ្នាយ៉ាងស្អិត ដែលពួកគាត់ចង់បង្ហាញក្តី ស្រឡាញ់ជាលើកចុងក្រោយ មុននឹងលាគ្នា គ្មានថ្ងៃត្រឡប់ ដែលហេតុការណ៍នេះកើតឡើង នៅក្នុងមន្ទីរពេទ្យ Kingston ក្នុងរដ្ឋ Ontario។</span></p>
<p><span style="color: #000000;">Chris និយាយថា គាត់ចែក រំលែករូបភាពមួយនេះ ដើម្បីឲ្យខ្លួនបានចងចាំ ស្នេហារបស់ឪពុកម្តាយគាត់ ដែលមានចំពោះគ្នាយ៉ាងស្មោះស្ម័គ្រ ព្រោះឪពុកគាត់អាយុ៥៨ឆ្នាំ ឈ្មោះ Jim Minini កើតរោគមហារីកសួត រយៈពេល៨ឆ្នាំ ហើយពេលនេះដល់នាទីចុងក្រោយ នៃជីវិតរបស់ គាត់ដែលគ្មានប្រាថ្នាអ្វី ក្រៅពីកាន់ដៃប្រពន្ធមុនពេលលាចាកលោកនោះទេ។</span></p>
<p><span style="color: #000000;">អ្វីដែលរឹតតែ ក្តុកក្តួលទៀតនោះ គឺម្តាយរបស់គាត់ ឈ្មោះ Cindy ក៏រងកើតជំងឺបេះដូងដែរ ហើយត្រូវបានបញ្ជូនទៅ មន្ទីរពេទ្យមួយទៀត ខណៈដែលឪពុកឈឺធ្ងន់នោះ តែក្រោយមកក៏ផ្ទេរម្តាយ មកមន្ទីរពេទ្យជាមួយឪពុកវិញ ដើម្បីសម្រេចក្តីបំណងគាត់ ជាលើកចុងក្រោយហើយ Chris ក៏បានថតរូប ដ៏រំជួលចិត្តនេះទុក ដើម្បីបង្ហាញវាដល់ម្តាយ ពេលដែលគាត់ធូរស្រាល ពីជំងឺឡើងវិញ ប៉ុន្តែឪពុកគេបានលាចាកលោកនេះ ទៅហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/5/25/4-25-05-2016--10-48-10.png"><span style="color: #000000;"><img src="/FileManager/Articles/mce/2016/5/25/4-25-05-2016--10-48-10.png" alt="" /></span></a></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>
</div>
<div id="aside" class="span3">
<div class="well ">
<div class="custom">
<div></div>
<div>
<div id="myslideshow" class="flashclass">
<div></div>
</div>
</div>
</div>
</div>
</div>