<p><span style="color: #000000;"><strong>(ភ្នំពេញ)៖</strong> គ្រូមន្តអាគម និងជាមនុស្សជំនិតបំផុតរបស់លោក អាំង មាលតី អតីតប្រធានសាលាដំបូងរាជធានីភ្នំពេញ លោក ពេជ្រ ព្រហ្មមុន្នី បានស្នើតុលាការស្រូបទោសមកនៅត្រឹម២ឆ្នាំ ដើម្បីឆាប់បានចេញពីពន្ធនាគារដោយមូលហេតុមានជំងឺ ។</span></p>
<p><span style="color: #000000;">អនុរក្សពន្ធនាគារព្រៃសនៅរសៀលថ្ងៃទី០៧ ខែកុម្ភៈ ឆ្នាំ២០១៧ បានបញ្ជូនទណ្ឌិត ពេជ្រ ព្រហ្មមុន្នី មកសាលាដំបូងរាជធានីភ្នំពេញ ដើម្បីជំនុំជម្រះលើបណ្តឹងសុំស្រូបទោស ។</span></p>
<p><span style="color: #000000;">លោក ពេជ្រ ព្រហ្មមុន្នី ធ្លាប់បានតុលាការផ្តន្ទាទោសពីរសំណុំរឿងផ្សេងគ្នា។ សំណុំរឿងទី១ ត្រូវតុលាការផ្តន្ទាទោស៥ឆ្នាំ តែអនុវត្តទោសត្រឹមពីរឆ្នាំប៉ុណ្ណោះ ពីបទ «ជំនួញឥទ្ធិពលអកម្ម» តាមមាត្រា៥៩៥ នៃក្រមព្រហ្មទណ្ឌ ប្រព្រឹត្តនៅភោជនីយដ្ឋាន One More ក្នុងខណ្ឌទួលគោក កាលពីថ្ងៃទី៨ ខែកុម្ភៈ ឆ្នាំ២០១៥ ។</span></p>
<p><span style="color: #000000;">សំណុំរឿងទី២ ត្រូវបានតុលាការផ្តន្ទាទោស១៨ខែ តែអនុវត្តទោសក្នុងពន្ធនាគារតែ១០ខែប៉ុណ្ណោះ ពីបទជ្រៀតជ្រែកដោយខុសច្បាប់ នៅក្នុងការបំពេញមុខងារសាធារណៈ តាមមាត្រា៦០៩ នៃក្រមព្រហ្មទណ្ឌ។</span></p>
<p><span style="color: #000000;">ដោយសារជនជាប់ចោទ និងព្រះរាជអាជ្ញា ពុំបានប្តឹងឧទ្ធរណ៍ សាលក្រមនេះបានចូលជាស្ថាពរ ហើយជនជាប់ចោទ ពេជ្រ ព្រហ្មមុន្នី បានក្លាយជាទណ្ឌិត ។</span></p>
<p><span style="color: #000000;">ដោយឡែក នាពេលសវនាការ ទណ្ឌិត ពេជ្រ ព្រហ្មមុន្នី ស្នើតុលាការស្រូបទោសមកនៅត្រឹម២ឆ្នាំ ដើម្បីឆាប់បានចេញពីពន្ធនាគារ ដោយមូលហេតុមានជំងឺ។ ប៉ុន្តែតុលាការពុំទាន់សម្រេចយ៉ាងណានៅឡើយទេ ដោយលោកចៅក្រម គឹម រ័ត្នណារិន បានលើកពេលប្រកាសសាលក្រមទៅថ្ងៃទី១៧ ខែកុម្ភៈ ឆ្នាំ២០១៧ ខាងមុខនេះវិញ។ សាធារណជន រង់ចាំមើលថា តើតុលាការនឹងសម្រេចយ៉ាងណា ដូចម្ដេចចំពោះករណីនេះ៕</span></p>
<p><a class="thickbox" title="" href="/FileManager/Commons/2017/2/8/01a-08-02-2017--15-28-12.jpg"><img src="/FileManager/Articles/mce/2017/2/8/01a-08-02-2017--15-28-12.jpg" alt="" /></a></p>
<p><span style="color: #000000;"><img src="http://image.freshnewsasia.com/2017/010/fn-2017-02-08-12-24-50-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-02-08-12-24-54-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>