<p>ក្រោយពីក្រុមយានអវកាស Space Shuttle ចូលនិវត្តន៍ ទីភ្នាក់ងារអវកាសអាមេរិក ចង់មាន<br />យានអវកាសដឹកជញ្ជូនជំនាន់ថ្មី ហើយ Boeing គឺជាក្រុមហ៊ុនមួយ ក្នុងចំណោមបណ្ដាក្រុមហ៊ុន<br />ដែលកំពុងចូលរួមការប្រកួតតាមមហិច្ឆតារបស់ NASA ។</p>
<p style="text-align: center;"><a class="thickbox" title="" href="/FileManager/Commons/2014/8/29/iss2-29-08-2014--15-16-30.jpg"><img src="/FileManager/Articles/mce/2014/8/29/iss2-29-08-2014--15-16-30.jpg" alt="" /></a></p>
<p style="text-align: center;">យានអវកាសរបស់ Boeing នឹងហោះសាកល្បង ក្នុងឆ្នាំ ២០១៧</p>
<p><br />ក្រុមហ៊ុន Boeing ទទួលបានជោគជ័យក្នុងការវាយតម្លៃដ៏សំខាន់មួយចំនួន ដែលនឹងជួយឱ្យក្រុម<br />ហ៊ុននេះ អាចធ្វើពាណិជ្ជកម្ម ហោះហើរទៅកាន់ស្ថានីយ៍អវកាសអន្ដរជាតិ ISS ។ ក្រៅពី Boeing<br /> ក៏មានក្រុមហ៊ុនជាច្រើន ចូលរួមក្នុងការប្រកួតប្រជែង ដើម្បីបានបម្រើការឱ្យ NASA នេះផងដែរ <br />ក្នុងនោះរួមមាន ក្រុមហ៊ុន SpaceX, Sierra Nevada Corp និងក្រុមហ៊ុន Blue Origin ។</p>
<p style="text-align: center;"><a class="thickbox" title="" href="/FileManager/Commons/2014/8/29/iss1-29-08-2014--15-18-34.jpg"><img src="/FileManager/Articles/mce/2014/8/29/iss1-29-08-2014--15-18-34.jpg" alt="" width="324" height="371" /></a></p>
<p style="text-align: center;">យានអវកាសរបស់ Boeing នឹងអាចដឹកមនុស្ស បាន ៧នាក់</p>
<p><br />បំណងរបស់ NASA គឺ ចង់មានយានអវកាសតាក់ស៊ីខ្លួនឯង ដើម្បីបញ្ជូនក្រុមអវកាសចរ និង<br />ទំនិញ ឡើងទៅកាន់ ISS ដោយមិនចាំបាច់ពឹងលើជនជាតិរុស្ស៊ី ដូចបច្ចុប្បន្ន។ កម្មវិធីអវកាស<br />ដែលមានតម្លៃច្រើនពាន់លានដុល្លារនេះ កាន់តែមានសារសំខាន់ និងបន្ទាន់មួយ នៅពេលរុស្ស៊ី<br /> និងអ៊ុយក្រែន មានបញ្ហានៅ គ្រីមេ (Crimea) និងតំបន់ភាគខាងកើតអ៊ុយក្រែន។</p>
<p style="text-align: center;"><a class="thickbox" title="" href="/FileManager/Commons/2014/8/29/iss3-29-08-2014--15-24-22.jpg"><img src="/FileManager/Articles/mce/2014/8/29/iss3-29-08-2014--15-24-22.jpg" alt="" /></a></p>
<p style="text-align: center;">យានអវកាស CST-100 នឹងត្រូវបានប្រើដើម្បីនាំមនុស្សទៅកាន់ ISS ប៉ុន្ដែ Boeing ក៏នឹងប្រើប្រាស់<br />វា ដើម្បីដឹកអវកាសចរ ទៅកាន់ យានអវកាសឯកជន ដូចជា ស្ថានីយ៍របស់ Bigelow Aerospace<br /> ដែលនឹងបាញ់បង្ហោះឡើង នាពេលខាងមុខ</p>
<p><br />Stephanie Martin អ្នកនាំពាក្យរបស់ NASA ឱ្យដឹងថា ទីភ្នាក់អវកាសអាមេរិក បានបង្កើតគម្រោង<br />ដើម្បីជ្រើសរើសក្រុមហ៊ុនមួយ ឬច្រើនជាងមួយ ក្នុងចំណោមបណ្ដាក្រុមហ៊ុនដែលចូលរួមប្រកួត<br />ប្រជែង ក្នុងបំណងពន្លឿនដំណើរការ ឱ្យបានសម្រេច ក្នុងខែកញ្ញាខាងមុខ។ Stephanie Martin <br />ក៏អះអាងថា ក្រុមហ៊ុន Boeing សម្រេចបាននូវការវាយតម្លៃផ្នែករចនាដ៏សំខាន់ ចំពោះកម្មវិធីពា<br />ណិជ្ជកម្មអវកាស CCiCap របស់ NASA ។</p>
<p style="text-align: center;"><a class="thickbox" title="" href="/FileManager/Commons/2014/8/29/iss4-29-08-2014--15-31-13.jpg"><img src="/FileManager/Articles/mce/2014/8/29/iss4-29-08-2014--15-31-13.jpg" alt="" /></a></p>
<p style="text-align: center;">ផ្នែកខាងក្នុង (កន្លែងអង្គុយរបស់អវកាសចរ) នៃយានអវកាសរបស់ Boeing </p>
<p><br />ទំព័រ Daily Mail ដកស្រង់សម្ដីរបស់ John Mulholland អនុប្រធាន និងជានាយកគ្រប់គ្រងកម្មវិធី<br />ពាណិជ្ជកម្មអវកាសរបស់ក្រុមហ៊ុន Boeing ឱ្យដឹងថា ក្រុមហ៊ុននេះ សម្រេចបាន ៩៦% នៃការ<br />រចនាសម្រាប់បណ្ដាម៉ូឌុល (module) ដឹកជញ្ជូនទំនិញ ក្នុងអំឡុងពេលត្រួតពិនិត្យ។ ចំណែករចនា<br />ម៉ូឌុល សម្រាប់ដឹកអវកាសចរ គឺសម្រេចបាន ៨៥% ។</p>
<p style="text-align: center;"><a class="thickbox" title="" href="/FileManager/Commons/2014/8/29/iss5-29-08-2014--15-33-47.jpg"><img src="/FileManager/Articles/mce/2014/8/29/iss5-29-08-2014--15-33-47.jpg" alt="" /></a></p>
<p style="text-align: center;">ការប្រកួតដើម្បីបានចូលទៅជំនួសយានអវកាស Space Shuttle ក៏មានក្រុមហ៊ុន SpaceX ផងដែរ<br /><br /></p>
<p>John Mulholland មានជំនឿថា ក្រុមហ៊ុន Boeing នឹងរចនាយានអវកាសពាណិជ្ជកម្មរួចរាល់ <br />ហើយនឹងហោះហើរសាកល្បង នៅក្នុងឆ្នាំ ២០១៧។ តាមគម្រោង ក្រុមហ៊ុននេះ នឹងប្រើប្រាស់<br />កាំជ្រួច Atlas 5 ដើម្បីរុញយានអវកាស ឱ្យឡើងដល់គន្លងគោចរ។</p>
<p style="text-align: center;"><a class="thickbox" title="" href="/FileManager/Commons/2014/8/29/iss6-29-08-2014--15-38-24.jpg"><img src="/FileManager/Articles/mce/2014/8/29/iss6-29-08-2014--15-38-24.jpg" alt="" /></a></p>
<p style="text-align: center;"> Dream Chaser ជាយានអវកាសរបស់ Sierra Nevada Corporation Space Systems ក៏មានឈ្មោះ<br /> ក្នុងការប្រកួតរបស់ NASA</p>
<p><br />គួររំលឹកថា ក្រៅពីគម្រោងរបស់ NASA ក្រុមហ៊ុន Boeing ក៏មានគម្រោងសហការណ៍ជាមួយក្រុម<br />ហ៊ុន Bigelow Aerospace សម្រាប់កម្មវិធី CST-100 ដើម្បីនាំមនុស្សឡើងទៅទេសចរណ៍នៅលើ<br />អវកាសផងដែរ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Daily Mail<br /><br /></p>