<p><strong>ស្ត្រីៗជនជាតិចិនបានបណ្តុះសក់របស់ពួកគេទុកយ៉ាងវែង ដែលធ្វើឲ្យពួកគេទទួលបាន<br />ឯតទគ្គកម្ម</strong><strong>ពិភពលោកមួយក្នុងនាមជាភូមិ ស្រីសក់វែងដំបូងគេរបស់ពិភពលោក។</strong><br /><strong> </strong><br /> ស្ត្រីៗជនជាតិយ៉ៅក្រហម ដែលជាជនជាតិភាគតិចមកពីភូមិហ័ងលូយ៉ៅ (Huangluo Yao) នៅក្នុង<br />ប្រទេសចិន មានសក់ជាមធ្យមប្រវែង១,៦០ម៉ែត្រ ហើយសក់ដែលវែងជាងគេបង្អស់មានប្រវែង 2<br />ម៉ែត្រ។ អ្វីដែល មិនគួរឲ្យជឿនោះ ស្រីៗទាំងនេះកាត់សក់ត្រឹមតែម្តងប៉ុណ្ណោះក្នុងមួយជីវិតរបស់<br />ពួកគេ គឺនៅអាយុ១៦ឆ្នាំ មុនពេលដែលពួកគេចាប់ផ្តើមស្វែងរកប្តីម្នាក់។</p>
<p><a class="thickbox" title="" href="/FileManager/Commons/2012/7/31/huangluo-hair-550x366-31-07-2012--11-09-08.jpg"><img src="/FileManager/Articles/mce/2012/7/31/huangluo-hair-550x366-31-07-2012--11-09-08.jpg" alt="" width="487" height="323" /></a><br /> <br /> លើសពីនេះទៅទៀត បើយោងតាមប្រភពសារព័ត៌មាន The Odditycentral បានបញ្ជាក់អោយដឹង<br />ថា វាគឺជាអាថ៌កម្បាំងបំផុតដែលមានតែប្តីនិងកូនរបស់ ពួកគេប៉ុណ្ណោះ ដែលអាចមើលសក់ក្បាល<br />របស់ពួកគេបាន បើសិនបុរសម្នាក់បានជួបប្រទះនារីម្នាក់ ដែលមិនពាក់ក្រណាត់ជួតក្បាលដោយ<br />ចៃដន្យ បុរសនោះនឹងត្រូវបានបង្ខំឲ្យរស់នៅជាមួយគ្រួសារនាងរយៈពេលបីឆ្នាំ ក្នុងនាមជាកូនប្រ<br />សារប្រុសរបស់គ្រួសារ។ សក់ប្រពៃណីបុរាណ របស់ពួកគេអាចនឹងត្រូវបានអនុញ្ញាតឲ្យទម្លាក់ចុះ<br />តែនៅពេលមានវត្តមាន គ្រួសារជិតស្និទ្ធប៉ុណ្ណោះ ប៉ុន្តែស្រីៗទាំងនោះបានបោះបង់ចោលប្រពៃណី<br />នេះនៅក្នុងឆ្នាំ១៩៨៧។</p>
<p><a class="thickbox" title="" href="/FileManager/Commons/2012/7/31/huangluo-hair2-550x328-31-07-2012--11-12-01.jpg"><img src="/FileManager/Articles/mce/2012/7/31/huangluo-hair2-550x328-31-07-2012--11-12-01.jpg" alt="" width="490" height="291" /></a></p>
<p>ឥឡូវស្រីៗទាំងនោះ បានបង្ហាញសក់ក្បាលដ៏វែងនៅក្នុងភូមិរបស់ពួកគេ យ៉ាងក្លាហាន ។ ពួកគេ<br />ត្រូវបានស្គាល់ពាសពេញប្រទេសចិនថា "ភូមិសក់វែង"។ ខណៈដែលស្ត្រីជាច្រើនអាចនឹងជួបការ<br />លំបាក ជាមួយនឹងកិច្ចការតុបតែងសក់ដ៏វែងនេះ ស្ត្រីៗជនជាតិយ៉ៅក្រហមមើលទៅធ្វើម៉ូតសក់<br />របស់ពួកគេបានដោយងាយស្រួល ខណៈដែលពួកគេក្របួចនិងកួចជាមួយផ្នួងសក់របស់ពួកគេ។<br /> <br /> ជនជាតិយ៉ៅក្រហមជឿថា សក់វែងរបស់ស្រីៗនាំមកនូវអាយុយឺនយូរ ទ្រព្យសម្បតិ្តស្តុកស្តម្ភ និង<br />សំណាងល្អ។ បើសក់កាន់តែវែង សំណាងក៏អាចនឹងមានកាន់តែច្រើនដែរ។ នៅអំឡុងខែរដូវក្តៅ<br />និងរដូវស្លឹកឈើជ្រុះ ពួកស្រីៗលាងសម្អាតសក់របស់ពួកគេនៅក្នុងទន្លេលីនជាំង ។ ដើម្បីអោយ<br />ជ្រាបកាន់តែច្បាស់ថាតើ ទិដ្ឋភាពក៏ដូចជាសកម្មភាពនៃការរស់នៅរបស់ភូមិមួយនេះ ប្រព្រឹត្តិទៅ<br />យ៉ាងណានោះ សូមតាមដានទស្សនាវីដេអូ ដែលមាននៅខាងក្រោមនេះបន្តិចទៅ ៖</p>
<p style="text-align: center;"><object width="450" height="400" data="http://www.youtube.com/v/y45KMpCcBYU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/y45KMpCcBYU&rel=1" /></object></p>
<p style="text-align: right;">ដោយ ៖ រិទ្ធី<br />ប្រភព ៖ odditycentral</p>