<p><span style="color: #000000;">ព័ត៌មានអន្តរជាតិ ៖ អ្នកលក់ដូរ មានវត្តមានមកពីខេត្ត Zhejiang ប្រទេសចិន ប្រឈមមុខនឹងការ តាមដានក៏ដូចជាស៊ើបអង្កេត ពាក់ព័ន្ធនឹងករណីលក់ចេញនូវ បង្គា ដែលផ្ទុកនូវសារជាតិ ចាហួយ នេះបើយោងតាមការលើកឡើង ពីទំព័រសារព័ត៌មាន ចិន ។ </span></p>
<p><a class="thickbox" title="" href="/FileManager/Commons/2015/7/21/50-21-07-2015--14-57-59.jpg"><img src="/FileManager/Articles/mce/2015/7/21/50-21-07-2015--14-57-59.jpg" alt="" /></a></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា ករណីក្លែងបន្លំ ទំនិញ សុទ្ធមួយនេះ ត្រូវបានរាយការណ៍ ទៅដល់ភ្នាក់ងារសារព័ត៌មាន ពី សំណាក់ ក្រុម អតិថិជន ក្រោយ ពី បាន ទិញ ផលិតផល បង្គា សមុទ្រ ពីហាងលក់ដូរ ក្នុងស្រុក ក្នុងទីក្រុង Wenzhou ។ អាជ្ញាធរ ពាក់ព័ន្ធភ្លាមៗបានចេញសេច ក្តីប្រកាសអាសន្ន ស្របពេលដែលនាំខ្លួន ក្រុមអ្នកលក់ដូរ មកធ្វើការស៊ើបអង្កេត ខណៈ ការតាម ដានស៊ើបអង្កេត កំពុងតែប្រតិបត្តិការនៅឡើយ ។ អ្នក លក់ដូរ ក្នុងស្រុកម្នាក់ គូសបញ្ជាក់អោយ ដឹងថា លោកពិតជាមិនបានដឹងអ្វីទាល់តែសោះ ពោលលោកបានទិញ គ្រឿងសមុទ្រ ទាំងនេះ ពី ឈ្មួញផ្គត់ផ្គង់ក្នុងស្រុក យកមកលក់បន្ត ខណៈលោកពិតជាមិនបានដឹងថា សារជាតិអ្វីអោយពិត ប្រាកដមាននៅក្នុង បង្គា នោះទេ ។ ជាការគូសបញ្ជាក់ដោយផ្ទាល់ ពីពលរដ្ឋ ក្នុងស្រុក អោយដឹង ថាពួកគេកត់សម្កាល់បានថា សារជាតិដែលមាននៅក្នុង បង្គា នោះ គឺ ជាសារ ជាតិ ចាហួយ ប៉ុន្តែ មានការលើកឡើងទាំងព្រួយបារម្ភអោយដឹងថា អ្វីៗអាច នឹង អាក្រក់ ជាងនោះ បើសិនណា សារ ជាតិទាំងនោះគឺជា សារជាតិ ប្លាស្ទិច ។ យោងតាម សេចក្តី រាយការណ៍ ពីសារព័ត៌មានក្នុងស្រុក ចិន អោយដឹងថា បណ្តាអ្នកលក់ដូរគ្រឿងសមុទ្រ នៅ ក្នុង ប្រទេសចិន ទទួលសារភាពអោយដឹង ថាពេលខ្លះពួកគេពិតជាត្រូវចាក់ បំពេញ សារជាតិ ចាហួយ ដើម្បីធានាអោយបានថា បង្គា នៅ មានសភាពថ្មីស្រស់ បើទោះជាត្រូវទុកយូរ ក៏ដោយចុះ ៕</span></p>
<p><span style="color: #0000ff;"><a href="/News/Detail/23/bloody-hell-shaanxi-man-busted-for-making-toxic-food-products-from-fake-duck-blood" target="_blank"><span style="color: #0000ff;">- អាន ៖ ឈាមមាន់ ឈាមទាក្លែងក្លាយ "FAKE" ផលិតចេញពី សារជាតិគីមី ដែលលោកអ្នក មិននឹកស្មានដល់</span></a></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ soshiok</span></p>