<p><span style="color: #000000;"><strong>(ហ្ស៊ីមបាវ៉េ)៖</strong> បុរសជាឪពុកម្នាក់ បានដាក់ពាក្យប្តឹងកូនស្រីរបស់ខ្លួន ព្រោះតែនាងមិនព្រមឲ្យគាត់មានទំនាក់ទំនងស្នេហា ឬរៀបការជាមួយស្រីណាផ្សេងឡើយ ទោះបីជាប្រពន្ធគាត់ដែលជាម្តាយកូន បានបាត់បង់ជីវិតអស់រយៈពេល៣ឆ្នាំទៅហើយក្តី ។</span></p>
<p><span style="color: #000000;">លោក Michael Khumalo អាយុ៧០ឆ្នាំរស់នៅតំបន់ Bulawayo ប្រទេសហ្ស៊ីមបាវ៉េ បានប្រាប់តុលាការថា កូនស្រីគាត់អាយុ៣៨ឆ្នាំឈ្មោះ Ntombiyosizi Khumalo មានចេតនាបំផ្លាញដល់ទំនាក់ទំនងរបស់គាត់ជាមួយមិត្តស្រី ព្រោះកូនមិនចង់ឲ្យគាត់រៀបការប្រពន្ធថ្មីទេ និងពេលដែលដឹងថា គាត់រួមរស់ជាមួយមិត្តស្រីហើយ នោះកូនស្រីក៏លែងចំអិនម្ហូបឲ្យខ្លួនបរិភោគថែមទៀត ព្រមទាំងចូលចិត្តទៅគោះទ្វារបន្ទប់ដេករបស់គាត់នៅពេលយប់ ដើម្បីរំខានកុំឲ្យគាត់មានសិចជាមួយមិត្តស្រីថែមទៀតផង ។</span></p>
<p><span style="color: #000000;">មិនតែប៉ុណ្ណោះ លោក Michael បានបន្ថែមថា កូនស្រីបានបណ្តេញមិត្តស្រីខ្លួនឲ្យចេញពីផ្ទះទៀតផង ប៉ុន្តែនាង Ntombiyosizi បានបដិសេធរាល់ការចោទប្រកាន់ និងបែរជានិយាយថា ឪពុកទៅវិញទេ ដែលសាងបញ្ហារករឿងបណ្តេញនាងចេញពីផ្ទះ តែទីបំផុតតុលាការសម្រេចតាមពាក្យបណ្តឹងរបស់ឪពុក ក៏បញ្ជានាង Ntombiyosizi ឲ្យនៅឆ្ងាយពីឪពុក ថែមទាំងឲ្យចាកចេញពីផ្ទះលោក Michael ទៀតផង ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/27/01c-27-03-2016--10-45-38.jpg"><img src="/FileManager/Articles/mce/2016/3/27/01c-27-03-2016--10-45-38.jpg" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>