<p><span style="color: #000000;"><strong>(ភ្នំពេញ)៖</strong> បន្ទាប់ពីមានការចេញផ្សាយថា អំពីរឿងក្តីទំនាស់ដីធ្លីរវាង លោក ផូ វុទ្ធី និងក្រុមហ៊ុនឧកញ៉ា ម៉ុង ប្ញទ្ធី មានចំនួនទំហំ២០ហិកតា ស្ថិតនៅក្នុងភូមិកែវផុស ឃុំជ្រោយស្វាយ ស្រុកស្រែអំបិល ខេត្តកោះកុង ប៉ុន្តែបច្ចុប្បន្នស្ថិតក្នុងភូមិឫទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ។ លោកឧកញ៉ា ម៉ុង ប្ញទ្ធី បានបកស្រាយ និងពន្យល់ជូនសាធារណៈតាមរយៈ Facebook របស់លោកដូចតទៅ៖</span></p>
<p><span style="color: #000000;">អ្នកប្តឹងផ្តល់គ្នាតែងតែចង់យកឈ្នះរាងៗខ្លួន ឲ្យតែខាងណាចាញ់ហើយតែងតែស្រែកថា តុលាការអយុត្តិធម៌ណាស់ងាកមករកសារព័ត៌មានឲ្យ ជួយចុះផ្សាយដើម្បីរកយុត្តិធម៌បន្តទៀត ជួនកាលសារព័ត៌មាន មុននឹងចុះផ្សាយបានធ្វើការសាកសួរយកព័ត៌មាន ពីភាគីម្ខាងទៀតអោយបានគ្រប់ជ្រុងជ្រោយសិន ទើបយកមកចុះផ្សាយ ចុះចម្លែកអីតែរឿងក្តីខាងលើនេះ បែរជាភាគីឈ្នះក្តីមករកសារព័ត៌មានចុះផ្សាយ ហើយភាគីចាញ់ក្ដី មិនស្រែកអោយជួយរកយុត្តិធម៌ទៅវិញ?</span></p>
<p><span style="color: #000000;">លោក ផូ វុទ្ធី មានបងប្អូនម្នាក់ទៀតឈ្មោះ លី រតនា ហេតុអីបានជាបងប្អូនបង្កើតមានត្រកូលខុសគ្នា? កាលពីទសវត្សរ៍ឆ្នាំ៩០ ទាំងពីរនាក់បងប្អូនធ្វើនៅក្រុមហ៊ុន ម៉ុង ឫទ្ធី លោក លី រតនា កាន់ការងារខាងសំណង់ ឯលោក ផូ វុទ្ធី កាន់ការងាររោងចក្រនៅឃុំជើងគោ ចំពោះរឿងរាវដែល ផូ វុទ្ធី បានស្គាល់កែវផុស គឺមកពីប្រវត្តិសង្ខេបដូចខាងលើនេះ។</span></p>
<p><span style="color: #000000;">ចំពោះរឿងដីទំនាស់នេះ ទាល់តែគូភាគីទាំងពីរបានដឹងរឿងពិត ប៉ុន្តែដើម្បីយកឈ្នះទៅលើគូប្រជែង ត្រូវតែកុហក អ្នកណាៗក៏ដឹងដែរថា ចាប់ពីទសវត្សរ៍ឆ្នាំ៩០ រហូតមកដល់ពេលបច្ចុប្បន្ននេះ ម៉ុង ឫទ្ធី បានទទួលការអនុញ្ញាតពីរាជរដ្ឋាភិបាលកម្ពុជា ឲ្យទៅអភិវឌ្ឍន៍ដំណាំកសិកម្ម កសិឧស្សាហកម្ម នៅលើទឹកដីស្រុកព្រៃនប់ និងស្រុកស្ទឹងហាវ ខេត្តព្រះសីហនុ ហើយតើ ម៉ុង ឫទ្ធី ធ្លាប់ដែលបានទៅប្លន់យកដីរាស្ត្រដែរឬទេ? ហើយតើបានរៀបចំដីឡូត៍ប៉ុន្មានពាន់ឡូត៍ សាងសង់លំនៅឋានប៉ុន្មានពាន់ខ្នងចែកជូនប្រជាជនដោយឥតគិតថ្លៃ សាងសង់ផ្លូវ ស្ពាន សាលារៀន មន្ទីរពេទ្យ វត្តអារាម ទំនប់ទឹក តបណ្តាញទឹកស្អាត បណ្តាញអគ្គិសនី។ល។ ចែកជូនដល់ប្រជាជនដោះស្រាយរាល់បញ្ហាដែលកើតឡើងជូនដល់ប្រជាជន។ បុគ្គលមួយចំនួនដោយសារតែដុល្លារបាំងភ្នែក ធ្វើអោយងងឹតរហូតដល់មើលអ្វីៗលែងឃើញអស់ទៅហើយ ខ្ញុំធ្វើបុណ្យមិនចង់រំលើកយកគុណស្រ័យអីទេ តែបើមិននិយាយខ្លះក៏មិនកើតដែរ ។</span></p>
<p><span style="color: #000000;">ទីតាំងដីទំនាស់នេះ ខ្ញុំបានប្រមូលទិញពីប្រជាជនជាបន្តបន្ទាប់ក្នុងទសវត្សរ៍ឆ្នាំ៩០ ហើយក៏មិនដឹងថា មានប្លង់ខ្យល់អីចឹងដែរ ប្លង់ខ្យល់ទាំងបីដែល ផូ វុទ្ធី យកមកប្តឹងនេះ មុនដំបូងម្ចាស់វាយកមកលក់អោយតែខ្ញុំមិនទិញ ដោយសារតែគិតថា វាអត់បានការ ផូ វុទ្ធី ទិញប្លង់នេះរួចហើយ បានមកសាកសួរចង់លក់ឲ្យទៀត តែខ្ញុំនៅតែមិនទិញ បានជាដាក់ពាក្យបណ្តឹងជាបន្តបន្ទាប់ដូច សារព័ត៌មានចុះផ្សាយថា ផូ វុទ្ធី ចាញ់តាំងពីដំបូង ដល់កំពូលបានឈ្នះ ខ្ញុំចង់ប្រាប់ថាហេតុអីបានជាឈ្នះ</span></p>
<p><span style="color: #000000;">ទី១៖ ខ្ញុំមិនចង់ឲ្យជាន់ដានចាស់ដូចកាលពីមុន ពេលបោះឆ្នោតតំណាងរាស្ត្រអាណត្តិទី៥ វាយកំទេចផ្ទះប្រជាពលរដ្ឋនៅ (ចំរាំង) ឃុំកែវផុស</span></p>
<p><span style="color: #000000;">ទី២៖ ដោយសង្កេតឃើញថាមានប្រជាជននាំគ្នាមករស់នៅលើដីទំនាស់នេះច្រើន (ប្រជាជនបាននាំគ្នាទៅរស់នៅច្រើនទីតាំងណាស់នៅកែវផុស)</span></p>
<p><span style="color: #000000;">ទី៣៖ ម៉ុង ឫទ្ធី គឺជាអ្នកចំណាយលុយអស់ច្រើនជាងតម្លៃដីទំនាស់នេះឆ្ងាយណាស់ ដើម្បីស្វែងរកសន្លឹកឆ្នោតនៅតំបន់នោះ ហើយបច្ចុប្បន្ននេះមានឋានៈតួនាទីជា អនុប្រធានថ្នាក់ជាតិចុះជួយខេត្តព្រះសីហនុ ប្រធានក្រុមការងារចុះជួយស្រុកស្ទឹហាវ និងជាប្រធានក្រុមការងារចុះជួយឃុំកែវផុស</span></p>
<p><span style="color: #000000;">ទី៤៖ ម៉ុង ឫទ្ធី កាន់កាប់លើផ្ទៃដីទំនាស់តែមិនដល់បួនហិកផងទេ ក្រៅពីនោះជាដីទីសក្ការបូជារបស់ប្រជាជន ដីផ្លូវក្រាលកៅស៊ូ និងដីរបស់អ្នកផ្សេងៗទៀតជិតដប់នាក់ ផូ វុទ្ធី ប្តឹងតែ ម៉ុង ឫទ្ធី ម្នាក់ឯង ដល់ពេលតុលាការកាត់ក្តីតម្រូវអោយ ម៉ុង ឫទ្ធី ប្រគល់ដីទំហំ ២០ហិកតា ទៅឲ្យ ផូ វុទ្ធី។ ហើយនៅពេលនេះ ដីនោះក៏អត់មានតម្លៃអី រហូតដល់ ៧០ម៉ឺនដុល្លារ ដូចដែលធ្លាប់បានឲ្យអ្នកកណ្តាលមកគោះគារខ្ញុំនោះដែរ។</span></p>
<p><span style="color: #000000;">ខ្ញុំនិយាយនេះដើម្បីកុំអោយមហាជនយល់ច្រឡំថា ម៉ុង ឫទ្ធី ឮតែចែកដីចែកផ្ទះសាងសង់ផ្លូវស្ពានលើកទំនប់ជិកប្រឡាយបំរើប្រជាជនដោយឥតរើសមុខចុះហេតុអីបានទៅជាអីចឹង ខ្ញុំនៅតែរក្សាជំហរដដែលដូចដែលធ្លាប់បានចូលរួមចំណែកជាមួយរាជរដ្ឋាភិបាល ដោះស្រាយរាល់ទុកលំបាករបស់ប្រជាជនយើង កុំថាឡើយផ្ទៃដីមានទំហំ ២០ហិកតា បើទោះបីជាមានទំហំធំជាងនេះ ក៏ខ្ញុំនៅតែដោះស្រាយបានដែរ ព្រោះអីរូបខ្ញុំមិនមែនជា សត្វលាពាក់ស្បែកខ្លានោះទេ។ និយាយជារួមគេមិនត្រូវយក ម៉ុង ឫទ្ធី មកប្រៀបធៀបជាមួយ ផូ វុទ្ធី ដែលធ្លាប់បានអង្គភាពប្រឆាំងអំពើពុករលួយ ចាប់វាយខ្នោះពីបទប្រព្រឹត្តអំពើពុករលួយបញ្ជូនទៅតុលាការនោះទេ៕</span></p>
<p><span style="color: #000000;"><img src="http://image.freshnewsasia.com/2016/011/fn-2016-12-22-12-54-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-12-22-12-54-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-12-22-12-54-44-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-12-22-12-54-45-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>