<p><span style="color: #000000;"><span>កំពង់ធំ ៖ </span>ត្រីចំនួនជាង ២៥ តោន បានងាប់ចាប់តាំងពីថ្ងៃសៅរ៍ នៅស្រុកស្ទោង ខេត្តកំពង់ធំ បន្ទាប់ពីការស្រកចុះនៃកម្ពស់ទឹកក្នុងបឹងទន្លេសាប។</span><br /><span style="color: #000000;"></span><br /><span style="color: #000000;">លោក ហួន ផល ប្រធានរដ្ឋបាលជលផល ឃុំ ពាមបាង បានឲ្យដឹងថា ”ត្រីនៅក្នុងបឹងបានងាប់ ដោយសារតែអាកាសធាតុក្តៅ ដែលបណ្តាលឲ្យកម្ពស់ទឹកនៅក្នុងបឹងធ្លាក់ចុះ នាំឲ្យខ្វះអុកស៊ីសែនសម្រាប់ដកដង្ហើម”។</span><br /><span style="color: #000000;"></span><br /><span style="color: #000000;">លោកបានកត់សម្គាល់ថា នៅឆ្នាំនេះចំនួនត្រីដែលងាប់គឺទាបជាងឆ្នាំមុន ៗ ដោយសារតែអាជ្ញាធរបានដាំកំផ្លោក សម្រាប់ជាជម្រកត្រីផុតពីពន្លឺព្រះអាទិត្យ។</span><br /><span style="color: #000000;"></span><br /><span style="color: #000000;">លោកបានមានប្រសាសន៍ថា ”ឥឡូវនេះកម្រិតទឹកនៅក្នុងបឹងនេះ ស្ថិតនៅចន្លោះពី មួយតឹក ទៅ ប្រាំតឹក ហើយប្រជាជនព្រួយបារម្ភថា ចំនួនត្រីក្នុងបឹងអាចនឹងវិនាស។</span></p>
<p><span style="color: #000000;"><a class="thickbox" title="" href="/FileManager/Commons/2019/5/2/10-02-05-2019--10-11-01.PNG"><span style="color: #000000;"><img src="/FileManager/Articles/mce/2019/5/2/10-02-05-2019--10-11-01.PNG" alt="" /></span></a><br /></span></p>
<p><span style="color: #000000;">លោក ប៉ែន វណ្ណារិទ្ធ ប្រធានរដ្ឋបាលជលផលខេត្ត បានលើកឡើងថា: «នៅឆ្នាំ ២០១៥ ត្រីងាប់ចំនួនជិត ៧០ តោន និងជាង ៩០ តោននៅឆ្នាំ ២០១៦ ក្នុងហេតុផលដូចគ្នា និងក្នុងអំឡុងពេលដូចគ្នា»។ លោកកត់សម្គាល់ថា នៅឆ្នាំ ២០១៧ និងឆ្នាំមុន មិនមានត្រីងាប់ទេ ដោយសារកម្រិតទឹកនៅខ្ពស់។<br /><br />លោកបានមានប្រសាសន៍ថា ប្រជាពលរដ្ឋនៅក្នុងស្រុក បាននាំគ្នាទៅប្រមូលត្រីងាប់ពីបឹងយកទៅបរិភោគ។<br /><br />លោកវណ្ណារិទ្ធបានមានប្រសាសន៍ថា ”យើងមានផែនការជីកស្តារបឹងឲ្យជ្រៅ ហើយបូមទឹកដាក់បន្ថែមដើម្បីបង្កើនកំពស់ទឹក ព្រោះវាជាតំបន់ការពារសម្រាប់ជីវិតសត្វក្នុងទឹក”។ លោកបានបន្ថែមថា ក្នុងអំឡុងរដូវវស្សា ទន្លេឆ្មាមានវិសាលភាពគ្របដណ្តប់បានប្រហែល ៨ ហិកតា។</span></p>
<p><span style="color: #000000;">លោក ឈិន រឿន អ្នកភូមិនៅក្នុងឃុំបាននិយាយកាលពីម្សិលមិញថា លោកបានទៅកាន់បឹង ក្រោយពីបានឮដំណឹងថា មានត្រីជាច្រើនបានស្លាប់នៅទីនោះ។<br /><br />លោកបាននិយាយថា ”មនុស្សជាច្រើនបានទៅទីនោះ ដើម្បីប្រមូលត្រីស្លាប់ហើយខ្ញុំប្រមូលបានពី ៥០០ ទៅ ៦០០ គីឡូក្រាម”។ ”ខ្ញុំនឹងយកត្រីទាំងនោះដើម្បីបរិភោគ និងធ្វើជាត្រីងៀត”។<br /><br />លោក ណែត សារី អភិបាលស្រុក មិនអាចទាក់ទងសុំការបំភ្លឺបានទេកាលពីម្សិលមិញ ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><span style="color: #000000;"><img src="/FileManager/Articles/mce/2019/5/2/khmertime-02-05-2019--09-01-28.png" alt="" /></span></a><br /></span></p>
<p style="text-align: right;"><span><span style="color: #000000;">ប្រភព ៖ khmertimes</span><br /></span></p>