ស្ទីលគូស និងលាបភ្នែកពណ៌បៃតង សម្រាប់នារីចូលចិត្ត ជប់លៀង
អ្នកជានារីដែលចូលចិត្ដការជប់លៀង ឬចូលចិត្តបរិយាកាសសប្បាយរីករាយ? ដូច្នេះ សូម make up តាមស្ទីលខាងក្រោម ដើម្បីប្រាកដថា ខ្លួនជានារីលេចធ្លោជាងគេ ក្នុងពិធីជប់លៀងចុងសប្ដាហ៍។
នៅពេលផាត់មុខដើម្បីទៅចូលរួមពិធីជប់លៀង ឬចូលក្លឹបកំសាន្ដ អ្នកគួរតែជ្រើសរើសស្ទីលដ៏គួរឱ្យចាប់អារម្មណ៍ ដោយភ្នែកត្រូវបានលាបពណ៌លេចធ្លោ អាចបញ្ចេញបាននូវភាពសិចស៊ីផ្ទាល់ខ្លួន។ តទៅនេះ យើងសូមណែនាំមិត្តអ្នកអាន មកស្វែងយល់អំពីស្ទីលលាបភ្នែកដោយពណ៌បៃតង ដ៏ទាក់ទាញ ជួយឱ្យអ្នកមានមន្ដស្នេហ៍ពេញកែវភ្នែក។
ដំបូង មុននឹងលាបពណ៌ភ្នែក អ្នកត្រូវផាត់ក្រែមបំប៉ន និងម្សៅទ្រនាប់ ក្រោយមក លាបក្រែមស្រទាប់លើ ឱ្យពេញផ្ទៃមុខ។ ពេលនេះ អ្នកអាចចាប់ផ្ដើមលាបពណ៌ភ្នែកបានហើយ ៖
ពណ៌បៃតងនឹងជួយធ្វើឱ្យភ្នែកទាំងគូរបស់អ្នក រលើបរលោង និងពេញដោយភាពទាក់ទាញ។ ជំហានដំបូង ចូរលាបពណ៌លឿងខ្ចី ទៅលើត្របកភ្នែកខាងលើ។
បន្ទាប់មក ប្រើពណ៌បៃតងរលោង លាបលើត្របកភ្នែកលើឱ្យបាន ២/៣ រួចបន្ដលាបពណ៌បៃតងចាស់ជាងនេះ ទៅលើតំបន់ ជាន់ទីពីរនៃត្របកភ្នែកខាងលើ ដែលនៅក្បែររោមភ្នែក។
ប្រើជក់ គូសពណ៌បៃតងទៅលើត្របកភ្នែកក្រោម ដោយថ្នម។
ប្រើខ្មៅដៃ គូសលើគល់រោមភ្នែកលើ និងក្រោម ឱ្យបាន ២/៣ រួចគូសកន្ទុយភ្នែកឱ្យមានរាងស្រួចបន្ដិច។
ចុងក្រោយ ប្រើ mascara លាបរោមភ្នែក ជាការស្រេច!
ដោយ ៖ តារា
ប្រភព ៖ LD/XX
- ក្មេងស្រីជនជាតិជប៉ុនម្នាក់ធ្វើឲ្យវេបសាយជាច្រើនស្រឡាងកាំង ក្រោយបង្ហោះតែ ៥ សន្លឹកប៉ុណ្ណោះ (26/07/2016 09:31:00)
- វិធីងាយៗតាមបែបធម្មជាតិដើម្បីព្យាបាលជំងឺភ្នែកខ្សោយ (01/08/2014 14:57:00)
- ផ្លែឈើ ៦មុខ ដែលល្អបំផុត សម្រាប់សុខភាពភ្នែក (28/01/2014 21:59:00)
- ស្អាតខុសធម្មជាតិ ជារឿងខុសច្បាប់ នៅកូរ៉េខាងជើង (04/11/2013 14:12:54)
- គូសភ្នែកស្ទីលស្លាបពីរជាន់ ប្លែក ប៉ុន្ដែទាក់ទាញ (19/10/2013 12:47:02)
- ជ្រើសរើសរោមភ្នែកក្លែងក្លាយ ទៅតាមទម្រង់ ភ្នែកនិមួយៗ (21/08/2013 14:56:58)
- វិធីផាត់ភ្នែកពណ៌ស្វាយ lavender សម្រាប់រដូវក្ដៅ (20/07/2013 09:06:00)
- វីដេអូ៖ Make up ឲ្យមុខស្រស់ស្អាត សំរាប់ថ្ងៃថ្មី ពិសេសសំរាប់មិត្តនារីៗ (12/07/2013 14:21:00)
- តារាប្រុសល្បីៗរបស់អាមេរិច និង អង់គ្លេសដែលមានភ្នែកស្អាត (08/04/2013 13:20:00)
- ភាពជាំខ្មៅលើត្របកភ្នែក ត្រូវដោះស្រាយបែបណា? (28/09/2012 09:42:00)
សម្រស់ ដែលមើលច្រើន
