ហេតុអ្វី បវរកញ្ញា Venezuela តែងបានគ្រងមកុដ ខ្នាតអន្ដរជាតិ?

សម្រស់

ហេតុអ្វី បវរកញ្ញា Venezuela តែងបានគ្រងមកុដ ខ្នាតអន្ដរជាតិ?

09:57 PM 07.11.2013
Print Email

ក្លាយជាបវរកញ្ញាឯកពិភពលោក គឺជាក្ដីស្រមៃរបស់នារីរាប់រយលាននាក់ ក្នុងពិភពលោក ប៉ុន្ដែមិនមែនស្រីស្អាតរូបណា ក៏មានសម្រស់ ចំណេះដឹង និងគុណសម្បត្តិគ្រប់គ្រាន់ដើម្បីឈានដល់វគ្គផ្ដាច់ព្រ័ត្រ។ ដូច្នេះ ដើម្បីបានទៅដល់គោលដៅ ឬដល់ចំណុចកំពូលណាមួយ នោះពួកនាងប្រាកដជាត្រូវហ្វឹកហាត់យ៉ាងធ្ងន់ធ្ងរក្នុងសាលាបណ្ដុះបណ្ដាលស្រីស្អាត។

សូមស្វែងយល់អំពីការបណ្ដុះបណ្ដាលបវរកញ្ញា នៅ Venezuela ៖

ពិភពលោក បានចាត់ទុកបវរកញ្ញាលំដាប់អន្ដរជាតិ ថា ជា “ផលិតផលពិសេស” របស់ Venezuela ព្រោះថា ប្រទេសអាមេរិកខាងត្បូងមួយនេះ គឺជាស្រុកកំណើតរបស់បវរកញ្ញាពិភពលោកចំនួន ៥រូប បវរកញ្ញាអន្ដរជាតិ ចំនួន ៥រូប បវរកញ្ញាចក្រវាឡ ចំនួន ៦រូប។ ជោគជ័យទាំងអស់នេះ កើតឡើងពីវិស័យឧស្សាហកម្មបណ្ដុះបណ្ដាលបវរកញ្ញា ដែលប្រកបដោយជំនាញ និងមានប្រព័ន្ធច្បាស់លាស់របស់ Venezuela ។

កុមារីទាំងអស់ សុទ្ធតែមានបំណងចង់ក្លាយជាបវរកញ្ញា តាំងពីនៅក្មេង

នៅ Venezuela អ្នករាល់គ្នា មានការយកចិត្តទុកដាក់ខ្លាំង ទៅលើសម្រស់។ កុមារីទាំងអស់នៅប្រទេសនេះ តែមានក្ដីស្រមៃថា ធំឡើងនឹងក្លាយជាបវរកញ្ញា។ នៅពេលមានអាយុ ៦ឆ្នាំ ពុកម្ដាយ បានឱ្យកូនៗ របស់ខ្លួន ទៅសិក្សានៅសាលាបណ្ដុះបណ្ដាលផ្នែកសម្រស់បែបអាជីព។ ក្នុងចំណោមសាលាបណ្ដុះបណ្ដាលវិស័យសម្រស់ល្បីៗជាច្រើន ក៏មានមជ្ឈមណ្ឌលបណ្ដុះបណ្ដាលបវរកញ្ញា Venezuela ដែលស្ថិតនៅភាគខាងជើងរដ្ឋធានី Caracas ។ នៅទីនេះ ត្រូវបានគេស្គាល់ថា ជា “មណ្ឌលបង្វឹក Olympic សម្រស់” សម្រាប់នារីមានសម្រស់ ដោយមាន “ទេពអប្សរ” ជួយប្រែក្លាយនារីដែលមិនមានឈ្មោះល្បី ក្លាយជាស្រីស្អាត និងត្រូវបានគេស្គាល់ច្រើន។

កុមារីទាំងនោះ ត្រូវបានបង្ហាត់អំពីការប្រើស្ទីល តាំងពី A-Z

នៅក្នុងបណ្ដាសាលាបណ្ដុះបណ្ដាល កុមារី Venezuela ត្រូវបានបង្រៀនអំពីការសំដែងនានាសិល្បៈនៃការផាត់មុខ ធ្វើសក់ និងការបញ្ចេញវោហារសាស្ដ្រ។ ទាំងអស់គ្នា ឈានចូលក្នុងឆាកប្រកួតប្រជែងប្រកបដោយភាពខ្លាំងក្លា សង្ឃឹមថានឹងទទួលបានចំណាប់អារម្មណ៍ពីក្រុមអ្នកគ្រប់គ្រង អ្នកជ្រើសរើស។

បណ្ដាកុមារីដែលមានភាពលេចធ្លោ និងត្រូវបានជ្រើសរើស នឹងទទួលបានការយកចិត្តទុកដាក់ បណ្ដុះបណ្ដាលជាពិសេស។ ពួកនាងនឹងក្លាយជាមុខសញ្ញាដែលត្រូវបានក្រុមគ្រូពេទ្យផ្នែកសម្ផស្ស ពិនិត្យ រកមើលថា តើនៅលើរាងកាយរបស់ពួកនាង នៅមានចំណុចណាមិនល្អ។ ក្រោយមក ពួកនាងនឹងត្រូវបានធ្វើការវះកាត់ កែសម្ផស្ស ដូចជា កែច្រមុះ សុដន់។ល។

ចំណុចខុសគ្នារវាងបវរកញ្ញា Venezuela និងបណ្ដាប្រទេសដទៃ នោះគឺ វិន័យតឹងរឹង និងសមត្ថភាពរក្សាកិត្តិយស។ បវរកញ្ញា មិនត្រឹមតែជាការប្រកួត និងគ្រងមកុដប៉ុណ្ណោះទេ តែវាជាដំណើរការមួយដ៏សំខាន់ចាប់ពីនៅក្មេង រហូតដល់ក្រោយការគ្រងមកុដបវរកញ្ញា។ ប្រការទាំងនេះ សុទ្ធតែត្រូវបានបណ្ដុះបណ្ដាលទៅដល់នារី Venezuela តាំងពីនៅក្មេង។ នេះក៏ជាមូលហេតុជួយឱ្យបវរកញ្ញាប្រទេសនេះ នៅតែអាចរក្សាបានកេរឈ្មោះល្អ ក្រោយបានក្លាយជាបវរកញ្ញាឯក ដោយមិនបង្កឱ្យមានរឿងអាស្រូវនានា។

អត្ថបទសំខាន់ៗគួរចាប់អារម្មណ៍ ៖

អាយុ ៣០ គួរថែទាំស្បែក បែបណាទើបល្អ ?

ប្រែក្លាយសក់ស្ដើង ទៅជាក្រាស់ ក្នុងរយៈពេល ៥នាទី

ក្រចកពណ៌ក្រហមក្រមៅ ជួយកំចាត់ភាពរងា ក្នុងរដូវរំហើយ

ប្រែសម្រួលដោយ ៖ តារា
ប្រភព ៖ HS