CamNews

ភ្នំពេញ ៖ តារាសម្តែង ពេជ្រ សុវណ្ណវិជ្ជរ៉ា ថ្មីៗនេះ លេចឮព័ត៌មានថា នាងបានសម្រេចចិត្ត យ៉ាងតក់ក្រហល់ ផ្អាកការងារសិល្បៈមួយរយៈសិន ដើម្បីតម្រូវ តាមការចង់បានរបស់ ក្រុម គ្រួសារ មិនចង់ឲ្យនាងចាប់ អាជីពជាអ្នកសិល្បៈ រហូតនោះទេ ។

ការដើរចេញ ពីវិស័យសិល្បៈ របស់តារា សម្តែងស្រី ពេជ្រ សុវណ្ណវិជ្ជរ៉ា នាពេលនេះ បានធ្វើឲ្យ មហាជន គ្រប់មជ្ឈដ្ឋាន ដែលធ្លាប់បានស្គាល់ តាមរយៈការសម្តែងរឿង និងថតចម្រៀង កាយ វិការខារ៉ាអូខេ ឲ្យផលិតកម្មផ្សេងៗនាំគ្នា លើកឡើងជា ចម្ងល់ថា ហេតុអីបានជានៅសុខៗ បែរ ជាគ្រួសាររបស់នាង បង្ខំឲ្យឈប់ពីសិល្បៈ ទាំងតក់ក្រហល់ យ៉ាងនេះ? ចុះបើមិនពេញចិត្ត និង មិនចង់ឲ្យនាងចូលប្រឡូក ជាអ្នកសិល្បៈ ហេតុអីបានជាមិន ឃាត់តាំងពីដំបូងមក ?

ទាក់ទងនឹងព័ត៌មាន ដែលថា ពេជ្រ សុវណ្ណវិជ្ជរ៉ា បានសម្រេចចិត្តដើរចេញពីសិល្បៈនេះដែរ បាន ធ្វើឲ្យអ្នកខ្លះ ដាក់សង្ស័យថា ប្រហែលជាតារាសម្តែងស្រីរូបនេះ មានហេតុផលអ្វីផ្សេង ពីនេះ ក៏ ថា បានទើបជានាងបង្ខំចិត្ត បោះបង់ចោលពីសិល្បៈ យ៉ាងដូច្នេះ ។ ជុំវិញព័ត៌មាននេះ គេហទំព័រ LookingTODAY ពុំទាន់អាចទំនាក់ទំនង ដើម្បីសុំការបកស្រាយពី ពេជ្រ សុវណ្ណវិជ្ជរ៉ា បាននៅ ឡើយទេ កាលពីថ្មីៗនេះ ព្រោះទូរស័ព្ទរបស់នាង ពេលខលចូលជាច្រើនសារ ប៉ុន្តែគ្មានអ្នក ទទួល ។

តារាសម្តែងស្រីវ័យក្មេង ធ្មេញជំពឹសកញ្ញា ពេជ្រ សុវណ្ណវិជ្ជរ៉ា ដាក់ខ្លួនចូលប្រឡូក ក្នុងវិស័យ សិល្បៈ រយៈ ពេលជាង២ឆ្នាំមកហើយ ។ ក្នុងរយៈពេលនៃការចូលសិល្បៈនេះ នាងបានខំស្រវេ ស្រវា សាងកេរ្តិ៍ឈ្មោះ រហូតមានមហាជនមួយចំនួន បានស្គាល់ និងគាំទ្រនាងច្រើន ។

គួររំឭកថា តារាសម្តែងស្រីវ័យ ក្មេង កញ្ញា ពេជ្រ សុវណ្ណវិជ្ជរ៉ា ខណៈការងារសិល្បៈ កាន់តែមាន សន្ទុះ ទៅមុខនោះ ថ្មីៗមុននេះ ក៏ត្រូវទទួលរងនូវព័ត៌មានមួយចំនួន ទាក់ទងទៅនឹងជីវិតស្នេហា ឯកជនក្រៅឆាក ដែលបណ្តាញ សារព័ត៌មានក្នុងស្រុក តែងបានលើកទ្បើងជារឿយៗ ៕

ផ្តល់សិទ្ធិ ៖ ដើមអំពិល