ព័ត៌មានតារា ៖ ថ្ងៃព្រហស្បត្តិ៍ ទី ១៧ កញ្ញា ២០១៥ ម្សិលមិញនេះ មានជំនូបផ្លូវការមួយរវាង ថ្នាក់ ដឹកនាំរាជរដ្ឋាភិបាល ប្រទេសកម្ពុជា លោកនាយករដ្ឋមន្រ្តី ហ៊ុន សែន និង តារាភាពយន្តស្រីហូលី វូដ លោកស្រី Angelina Jolie នៅឯវិមានសន្តិភាព ទីក្រុង ភ្នំពេញ ប្រទេសកម្ពុជា ។
សេចក្តីរាយការណ៍ បញ្ជាក់អោយដឹងថា តារាសម្តែងភាពយន្តហូលីវូដ ល្បីឈ្មោះរូបនេះ បាន បង្ហាញវត្តមានជាផ្លូវ ក្នុងប្រទេសកម្ពុជា អំឡុង ការត្រៀមខ្លួន នៃការបេសកម្ម ផលិតខ្សែភាពយន្ត កំពូលក្រោមប្រធានបទ របបខ្មែរក្រហម នៅប្រទេសកម្ពុជាផ្ទាល់តែម្តងអោយ Studio សហរដ្ឋអាមេរិក Netflix ដែលមានចំណងជើងថា "First They Killed My Fat - her: A Daughter of Cambodia Remembers", "ពី ការ ចងចាំក្មេង ស្រី កម្ពុជា ដំបូងពួកគេបាន សម្លាប់ ឪពុករបស់ខ្ញុំ" ខណៈខ្សែភាពយន្តនេះផ្ទាល់ នឹង មានការសហការ ចូលរួមដោយផ្ទាល់ ពី សំណាក់ផលិតករខ្សែភាពយន្ត កម្ពុជា ជាម្ចាស់ស្នាដៃភាពយន្ត ជាប់បេក្ខភាពដណ្ដើមពានរង្វាន់ Oscar “The Missing Picture” , "The Sea Wall" លោក រិទ្ធី ប៉ាន់ ។ ភាពយន្ត "First They Killed My Father: A Daughter of Cambodia Remembers", នឹងមានវត្តមានជាផ្លូវការ ចុងឆ្នាំ ២០១៦ ។ គួរបញ្ជាក់ថា កម្ពុជា គឺជាប្រទេសមួយដែលនាង Angelina មានចំណាប់អារម្មណ៍ជាខ្លាំង ពីព្រោះ ទីនេះ ជាទឹកដី កំណើត កូនចិញ្ចឹម របស់ខ្លួនដែលមានឈ្មោះថា Maddox ។
តារាសម្តែងស្រីល្បីឈ្មោះ ជុំវិញពិភពលោក នាង Angelina Jolie គូសបញ្ជាក់អោយដឹងថា កូន ចិញ្ចឹមរបស់នាង ដែលមានឈ្មោះថា Maddox នោះ ក៏ចួលរួមសហការ ផលិតខ្សែភាពយន្តខាង លើដូចគ្នាដែរ "Maddox នឹងបង្ហាញវត្តមានខ្លួនឡើង ទន្ទឹមនឹងការរៀនសូត្រ យល់ដឹង ពីប្រទេស ដីកំណើតរបស់ខ្លួន" ។ លោកស្រី លើកឡើងបន្ថែមទៀត អោយដឹងថា ៖ "នេះគឺជាពេលមួយដ៏ មានសារៈសំខាន់បំផុតសម្រាប់ Maddox ធ្វើការសិក្សា និងស្វែងយល់ អំពី ប្រទេសកម្ពុជា និង អោយដឹង ថាតើ គេជានរណាអោយពិតប្រាកដ។ Maddox គឺជាកូនប្រុសនាងខ្ញុំ ប៉ុន្តែ គេក៏ជាកូន ប្រុសរបស់ប្រជាជាតិកម្ពុជា ដូចគ្នាដែរ ។ នេះគឺជាពេលវេលាដ៏មានប្រសិទ្ធភាពបំផុត សម្រាប់ ក្រុមគ្រួសារពួកយើង ធ្វើការស្វែងយល់ សម្រាប់ខ្លួនគាត់ផ្ទាល់ Maddox ។ ជាការពិត Maddox មិនត្រឹមតែចូលរួម សហការផលិតខ្សែភាពយន្ត នោះទេ តែគេក៏ចូលរួមរួចជាស្រេច ជាមួយនឹង កម្មវិធីមូលនិធិសប្បុរសធម៌របស់នាងខ្ញុំ ហើយ គេនឹងទទួលបន្ទុក រ៉ាប់រងការងារទាំងអស់នេះនៅពេលដែលគេពេញវ័យ ៕
ប្រែសម្រួល ៖ កុសល
ប្រភព ៖ ដេលីម៉ែល និង ប៉បសូងើ