CamNews

ភ្នំពេញ ៖ យោង​តាម​ក្រសួងសេដ្ឋកិច្ច​ ​និង​ហិរញ្ញវត្ថុ​ ​ធនាគារពិភពលោក​នឹង​យល់ព្រម​លើ​ការ​ផ្ដល់​ប្រាក់កម្ចីសម្បទាន​ចំនួន​ ​១ពាន់​លាន​ដុល្លារ​ ​ដល់​កម្ពុជា​ដើម្បី​អភិវឌ្ឍ​វិស័យ​នានា​ដែល​ចាំបាច់​ ​ក្នុងរយៈពេល​ប្រាំ​ឆ្នាំខាងមុខ​។​
​
​សេចក្តី​ប្រកាស​នេះ​ ត្រូវ​បាន​ធ្វើឡើង​ដោយ​គណៈប្រតិភូ​ធនាគារពិភពលោក ​ក្នុងអំឡុងពេល​កិច្ចប្រជុំ​​មួយ​ជាមួយ​ ​លោក​ ​ ​វង្សី​ ​វិស្សុត​ ​រដ្ឋលេខាធិការ​ប្រចាំ​កា​នៃ​ក្រសួងសេដ្ឋកិច្ច​ ​និង​ហិរញ្ញវត្ថុ​។​
​
​យោង​តាម​ទីភ្នាក់ងារ​សារព័ត៌មាន​កម្ពុជា​ ​បាន​រាយការណ៍​ថា​ ​នៅ​ចុងខែ​នេះ​ ​ក្រុមប្រឹក្សា​ភិបាល​នៃ​ធនាគារពិភពលោក​ ​នឹង​អនុម័ត​ថវិកា​កម្ចីសម្បទានចំនួន​ ​១ពាន់​លាន​ដុល្លារ​ ​ជាផ្នែក​មួយ​នៃ​ក្របខ័ណ្ឌ​ភាពជា​ដៃគូ​ជាមួយ​ប្រទេស​កម្ពុជា​ ​សម្រាប់​ឆ្នាំ​ ​២០១៩​ ​ដល់​ឆ្នាំ​ ​២០២៣​។​

ធនាគារពិភពលោក​ ​បាន​សរសើរ​ការ​អភិវឌ្ឍ​សង្គម​ ​និង​សេដ្ឋកិច្ច​ ​របស់​ប្រទេស​កម្ពុជា​ ​ហើយ​បាន​និយាយ​ថា​ ​ខ្លួន​បាន​ត្រៀមខ្លួន​រួចជាស្រេច​ដើម្បី​បន្ត​គាំទ្រ​ការ​អភិវឌ្ឍ​នេះ​។​

​
​លោក​ ​វិស្សុត​ ​បាន​មានប្រសាសន៍​ថា​ ​ប្រទេស​កម្ពុជា​កំពុង​មាន​កំណើន​សេដ្ឋកិច្ច​ខ្លាំង​ ​ប៉ុន្តែ​ប្រទេស​នេះ​ជួប​បញ្ហា​ប្រឈម​ខ្លាំង​ ​ចំពោះ​ការ​អភិវឌ្ឍ​របស់​ខ្លួន​។​
​
​លោក​ ​វិស្សុត​ ​បាន​បន្ថែម​ថា​ ​”​កម្ពុជា​កំពុង​ប្រឈមមុខនឹង​បញ្ហា​រចនាសម្ព័ន្ធ​ដូចជា​ ​មូលដ្ឋាន​សេដ្ឋកិច្ច​តូច​ចង្អៀត​ ​កង្វះ​ពលកម្ម​ជំនាញ​ ​កង្វះ​ហេដ្ឋារចនាសម្ព័ន្ធ​ ​និង​ ​ការអភិវឌ្ឍន៍​ទីក្រុង​ ​ដែល​ទាមទារ​ការ​វិនិយោគ​កម្រិតខ្ពស់​”​។​
​
​យោង​តាម​ក្រសួងសេដ្ឋកិច្ច​ ​និង​ហិរញ្ញវត្ថុ​ ​គិត​ត្រឹម​ឆ្នាំ​ ​២០១៨​ ​ប្រទេស​កម្ពុជា​បាន​ខ្ចីប្រាក់​ចំនួន​ ​១,១៤១​ ​ពាន់​លាន​ដុល្លារ​ពី​ធនាគារពិភពលោក ​៕​

ប្រភព ៖ khmertimes