ប្រើ iPhone ចំនួន ៨គ្រឿង ធ្វើជាស្បែកហ្រ្វាំងលើរថយន្ត Porsche 911 តើចាប់ជាប់ទេ? (មានវីដេអូ)
ផលិតផលរបស់ Apple ជានិច្ចកាលតែងតែទទួលបានការចាប់អារម្មណ៍ ក្នុងបណ្តាការធ្វើពិសោធន៍ វាស់កំរិតនៃភាពរឹងមាំ ហើយលើកនេះក្រុម EverythingApplePro បានប្រើប្រាស់បណ្តាស្មាតហ្វូនរបស់ Apple យកទៅធ្វើជាស្បែកហ្វ្រាំងកង់រថយន្តកីឡាមួយគ្រឿង។
អាន៖ មានដឹងទេថា Apple ចំណាយប្រាក់ប៉ុន្មានទៅ ក្នុងការធានាសុវត្ថិភាពដល់លោក CEO Tim Cook?
នៅក្នុងការពិសោធន៍នេះ គេបានប្រើប្រាស់ iPhone ចំនួន ៨គ្រឿង ដែលក្នុងនោះមាន iPhone 5S ចំនួន ៤គ្រឿងត្រូវបានគេផ្លាស់ប្តូរធ្វើជាស្បែកហ្វ្រាំងនៅកង់ទាំងពីរខាងមុខ និង iPhone 4S ៤គ្រឿង ដាក់នៅកង់ទាំងពីរខាងក្រោយ។
អាន៖ Galaxy S6 Edge Plus លេចចេញរូបភាពទស្សនាវត្តី រួមជាមួយសំបកការពារ
អនុវត្តនូវបណ្តាវិធានការដែលមានសុវត្ថិភាព ក្រុមពិសោធន៍បានធ្វើពិសោធជាមួយនឹងរថយន្តកីឡា Porsche 911 ដែលត្រូវបានបើកបរនៅក្នុងល្បឿនជាង 30 km/h។ ប្រព័ន្ធហ្វ្រាំងដែលធ្វើដោយ iPhone នៅពេលនោះ គឺមានដំណើរការធម្មតា។ ពេលបង្កើនល្បឿនឡើងជិតដល់ 65 km/h បណ្តា iPhone ចាប់ផ្តើមមានសញ្ញាណនៃការបែកបាក់ ដោយសារកំលាំងកកិតខ្លាំង និងបានលេចចេញនូវអណ្តាត ភ្លើងតូចមួយ ដែលត្រូវបានពន្លត់វិញដោយបំពង់ពន្លត់អគ្គីភ័យ។ ចុងក្រោយរថយន្ត Porsche 911 រត់ ក្នុងល្បឿនឡើងដល់ 96 km/h ហើយនៅតែអាចចាប់ហ្វ្រាំងបញ្ឈប់ល្បឿនរថយន្តបាន ប៉ុន្តែប្រព័ន្ធ ហ្រ្វាំងធ្វើដោយ iPhone ត្រូវបានខូចខាតទាំងស្រុង។
អាន៖ Samsung ជិតធ្វើការបង្ហាញ ថែប្ល៊ែតអេក្រង់យក្ស 18.4 inch?
ដើម្បីឲ្យជ្រាបកាន់តែច្បាស់ ថាតើក្រុមអ្នកពិសោធន៍ដំឡើង iPhone ធ្វើប្រព័ន្ធហ្រ្វាំងដោយរបៀបណា និងចាប់ហ្វ្រាំងទៅស៊ីប៉ុណ្ណា? សូមតាមដានទស្សនាវីដេអូដូចខាងក្រោម៖
ប្រែសម្រួល៖ ករុណា
ប្រភព៖ popularmechanics, vexpress
ព័ត៌មានបច្ចេកវិទ្យា ដែលមើលច្រើន
