ភ្នំពេញ៖ ពិធីការិនីប្រចាំកម្មវិធី «រាត្រីកម្សាន្ត» សាច់សរម៉ដ្ឋរលោង កញ្ញា គង់ វង្សយ៉ាទី បានចេញមុខ ប្រកាសក្តែងៗ មិនទទួលស្គាល់ Account Facebook មួយ ដែលបង្កើតឡើង មានចេតនា ធ្វើឲ្យមហាជនយល់ច្រឡំថា ជា Account របស់នាង ប៉ុន្តែការពិត Account នេះជា Fake Account ហើយនាងមិន ទទួលស្គាល់ លើការសរសេរ បង្ហោះអ្វី ដែលធ្វើឲ្យប៉ះពាល់សង្គម ឬទស្សនិកជនឡើយ ។
កាលពីម្សិលមិញនេះ ស្រីស្អាតមានឈ្មោះ បោះសំឡេង ទៅលើអាជីពសម្តែង និងពិធិការិនី កញ្ញា គង់ វង្សយ៉ាទី បានចេញមុខប្រកាសក្តែងៗ មិនទទួលស្គាល់ Account Facebook ឈ្មោះ Sdach Lazy ដោយនាងចាត់ទុកថា មានអ្នក Fake Account មួយនេះ ហើយនាងបានបដិសេធ មិនទទួលស្គាល់នៅ ការសរសេរបង្ហោះអ្វីនៅលើ Account នេះទេ ។ មូលហេតុដែលនាង លើកឡើងមកបង្ហាញ ជាសាធារណៈនេះ គឺដោយសារតែនាង មិនចង់ឲ្យ មានការយល់ច្រឡំ ព្រោះនាងជាតារាល្បី នៅពេលធ្វើអ្វី តែងតែមានការចាប់អារម្មណ៍ជានិច្ច ដូច្នេះប្រសិនបើមានអ្នក បំណង អាក្រក់យក Account Facebook នេះទៅធ្វើអ្វី គឺនាងមិនទទួលខុសត្រូវឡើយ ។
នេះមិនមែនជាលើកទី១ទេ សម្រាប់អ្នកសិល្បៈ ដែលត្រូវបានជនមិនស្គាល់មុខ បានយកឈ្មោះរូបថត របស់ពួកគេ ទៅបង្កើត Facebook ដើម្បីទាមទារឲ្យមានការចាប់អារម្មណ៍ និងទទួលបាន Friend ច្រើន ។ ជារឿយៗអ្នកសិល្បៈ ដែលត្រូវគេយកឈ្មោះ ទៅបង្កើត Facebook នោះ តែងតែចេញមុខបកស្រាយ និងច្រានចោលព័ត៌មាននោះ ជាហូរហែ ។
នៅពេលបច្ចុប្បន្ននេះ គេសង្កេតឃើញថា សម្រាប់អ្នកលេង Facebook ហាក់មានអារម្មណ៍ភ័យព្រួយខ្លាំង ព្រោះ កន្លងមក មានអ្នកសិល្បៈច្រើនមកហើយ បានទទួលរងការប្តឹងផ្តល់គ្នា ដោយសារតែបណ្តាញ Facebook ។
ហេតុនេះហើយបានជាអ្នកសិល្បៈភាគច្រើនមានការព្រួយបារម្ភ លើការបង្កើត Account Facebook ក្លែងក្លាយនេះ៕
ផ្តល់សិទ្ធដោយ ៖ ដើមអម្ពិល