Galaxy Note 7 និង iPhone 7 បង្អួតកម្លាំងគ្នា មុនថ្ងៃបង្ហាញខ្លួន
ស្មាតហ្វូនរបស់ Samsung និង Apple ដែលជិតនឹងបង្ហាញខ្លួន នឹងក្លាយជាទូរស័ព្ទដែលត្រូវបាន
គេទន្ទឹងរង់ចាំបំផុតក្នុងពិភពលោក នាពាក់កណ្ដាលចុងឆ្នាំ ២០១៦នេះ។
Galaxy Note 7 នឹងត្រូវបាន Samsung ឧទ្ទេសនាមនៅថ្ងៃទី ២សីហាខាងមុខ ខណៈដែល Apple
នឹងបញ្ចេញ iPhone ថ្មីបំផុត ក្នុងខែកញ្ញា។
ខាងក្រោមនេះ គឺជាការប្រៀបធៀបរវាង Galaxy Note 7 និង i iPhone 7 ៖
រចនារូបរាង
ព័ត៌មានបែកធ្លាយកន្លងមក បង្ហាញថា Galaxy Note 7 នឹងមានរូបរាងដូចទៅនឹង Galaxy S7
edge ដោយមានអេក្រង់កោង ស៊ុមលោហធាតុ និងផ្នែកខាងក្រោយធ្វើអំពីកញ្ចក់។
Apple ក៏នឹងមិនប្ដូរផ្លាស់ច្រើនសម្រាប់ iPhone 7 លើកលែងតែខ្សែអង់តែននៅខាងខ្នង ត្រូវបាន
រើទៅដាក់នៅជ្រុងខាងលើ។ កាមេរ៉ាមានការប្រែប្រួលបន្តិច ប៉ុន្តែ នៅតែលយមកក្រៅ។
គ្រឿងម៉ាស៊ីន
ថ្វីបើរូបរាងខាងក្រៅរបស់ Galaxy Note 7 និង iPhone 7 មិនមានការផ្លាស់ប្ដូរច្រើន ប៉ុន្តែ គ្រឿង ម៉ាស៊ីនខាងក្នុងគឺជាចំនុចដែលត្រូវនិយាយ។ ស្មាតហ្វូនរបស់ Samsung តាមគម្រោងនឹងប្រើ
ឈីប Snapdragon 821 ឬ Exynos 8893 អាស្រ័យលើទីផ្សារ។ ចំណែក iPhone 7 ត្រូវបានគេ
ជឿថា នឹងប្រើប្រូសេសឺរ Apple A10 ។
អ៊ីនធឺរហ្វេស
នៅលើ Galaxy Note 7 ក្រុមហ៊ុន Samsung នឹងកែសម្រួលអ៊ីនធឺរហ្វេស TouchWiz ដោយ
Grace UX។ អ៊ីនធឺរហ្វេសនេះ ត្រូវបានរចនាឡើងវិញដើម្បីសមស្របជាមួយនឹងទំហំរបស់
icon។
រីឯ iPhone 7 វិញ វានឹងដំណើរការដោយ iOS 10 ជាមួយនឹងអ៊ីនធឺរហ្វេសត្រូវបានកែលំអច្រើន
ក្នុងរយៈពេលប៉ុន្មានឆ្នាំមកនេះ។ បណ្ដានិមិត្តសញ្ញា ក៏មិនមានការប្ដូរផ្លាស់ច្រើន។
កាមេរ៉ា
ព័ត៌មានចចាមអារ៉ាមកន្លងមក បានឱ្យដឹងថា Galaxy Note 7 និង iPhone 7 សុទ្ធតែប្រើកាមេរ៉ា
ទំហំ 12 megapixel។
ថាមពលថ្ម
ព័ត៌មានបែកធ្លាយ ជាច្រើន បង្ហាញថា Galaxy Note 7 អាចនឹងប្រើប្រាស់ថ្មដែលមានថាមពល
3.500 mAh ខណៈដែល iPhone 7 និង iPhone 7 Plus ប្រើថ្មដែលថាមពល 1.715 mAh និង
2.750 mAh។
មុខងារបន្ថែម
Galaxy Note 7 អាចនឹងជាស្មាតហ្វូនដំបូងគេដែលបំពាក់បច្ចេកវិទ្យាបើកសោទូរស័ព្ទដោយកែវ
ភ្នែក។
តម្លៃ និងថ្ងៃឧទ្ទេសនាម
Samsung កំពុងតែដុតដៃដុតជើង ដើម្បីត្រៀមឧទ្ទេសនាម Galaxy Note 7 ជាផ្លូវការ។ យោង
តាមលិខិតអញ្ជើញ Galaxy Note 7 នឹងត្រូវបានឧទ្ទេសនាមនៅថ្ងៃទី ២សីហាក្នុងក្រុងញ៉ូវយ៉ក
អាមេរិក ហើយអតិថិជន ក៏អាចបញ្ជាទិញចាប់ពីថ្ងៃបង្ហាញខ្លួននោះដែរ។ ចំណែក iPhone តាម
គម្រោងនឹងបង្ហាញខ្លួន និងដាក់លក់ក្នុងខែកញ្ញា។
Galaxy Note 7 របស់ក្រុមហ៊ុនកូរ៉េខាងត្បូង នឹងមានតម្លៃប្រហែល ៨០០ដុល្លារអាមេរិក។ រីឯ
iPhone 7 នឹងមានតម្លៃចាប់ពី ៦៥០ដុល្លារ និង iPhone 7 Plus មានតម្លៃចាប់ពី ៧៥០ដុល្លារ
កំណែអង្គចងចាំក្នុងធំជាង នឹងត្រូវបន្ថែម ១០០ដុល្លារអាមេរិក។
ប្រែសម្រួល ៖ តារា
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ទូរស័ព្ទ ដែលមើលច្រើន
