CamNews

​​រដ្ឋាភិបាល​បាន​អនុម័ត​ការ​ធ្វើ​ចំណាត់ថ្នាក់​ឡើងវិញ​នៃ​ដី​ទំហំ​ ​៧០​ ​ហិ​ក​តា​នៅ​តាម​ដងទន្លេ​មេគង្គ​នៅក្នុង​ស្រុក​ល្វា​អែម​ ​ខេត្តកណ្តាល​ ​សម្រាប់​ជួល​ឲ្យ​ក្រុមហ៊ុន​ឯកជន​ ​ឃុន​សៀរ​ ​នីហរ័ណ​ ​អាហរ័ណ​។​
​
​យោង​តាម​លិខិត​ចុះហត្ថលេខា​កាលពី​ថ្ងៃទី​ ​២​ ​ខែឧសភា​ ​ដោយ​លោក​ ​ឈិត​ ​សុ​ខុន​ ​រដ្ឋលេខាធិការ​ ​នៃ​ទី​ស្តី​ការ​គណៈរដ្ឋមន្រ្តី​ ​បាន​ឲ្យដឹង​ថា​ ​រដ្ឋបាល​ខេត្តកណ្តាល​ ​ត្រូវ​ធ្វើការ​ជាមួយ​ក្រុមហ៊ុន​ ​ដើម្បី​សម្រេច​កិច្ច​ព្រមព្រៀង​នេះ​។​
​
​លិខិត​មួយ​ច្បាប់​ផ្ញើ​ជូន​រដ្ឋមន្ត្រី​ក្រសួងសេដ្ឋកិច្ច​ ​និង​ហិរញ្ញវត្ថុ​ ​លោក​ ​អូន​ ​ព័ន្ធ​មុនី​រ័ត្ន​ ​និង​រដ្ឋមន្រ្តី​ក្រសួង​រៀបចំ​ដែនដី​ ​នគរូបនីយកម្ម​ ​និង​សំណង់​ ​លោក​ ​ជា​ ​សុ​ផា​រ៉ា​ ​រួម​ជាមួយ​អភិបាលខេត្ត​ ​លោក​ ​ម៉ៅ​ ​ភិរុណ​ ​បាន​និយាយ​ថា​ ​រដ្ឋាភិបាល​បាន​ធ្វើ​ចំណាត់ថ្នាក់​ ​ពី​ដី​សាធារណៈ​របស់​រដ្ឋ​ ​ទៅជា​ដី​ឯកជន​វិញ​។​លិខិត​នេះ​បាន​ឲ្យដឹង​ថា​ ​”​យើង​អនុញ្ញាត​ឲ្យ​រដ្ឋបាល​ខេត្តកណ្តាល​ ​ចុះហត្ថលេខា​លើ​កិច្ច​ព្រមព្រៀង​ជួល​ ​ជាមួយ​ក្រុមហ៊ុននាំចេញ​នាំចូល​ ​ឃុន​ ​សៀ​ ​សម្រាប់​រយៈពេល​ ​៥០​ ​ឆ្នាំ​។​ ​កិច្ចសន្យា​អាច​ត្រូវ​ធ្វើ​បាន​ដរាបណា​ ​ក្រុមហ៊ុន​បាន​ផ្តល់​សំណង​ដល់​ប្រជាពលរដ្ឋ​ ​ដែល​កំពុង​បង្ក​របង្​កើន​ផល​នៅ​លើ​ដី​នោះ​ ​រួច​ជាមុន​សិន​”​។​
​
​សេចក្តី​ថ្លែងការណ៍​ស្តី​ពី​កិច្ចសន្យា​នេះ​ត្រូវ​បាន​ធ្វើឡើង​ ​ជា​ការ​ឆ្លើយតបទៅនឹង​លិខិត​មួយ​ដោយក្រុម​ហ៊ុន​ ​ដែល​បាន​ស្នើសុំ​រដ្ឋាភិបាល​អនុញ្ញាត​ជួល​ដី​នេះ​រយៈពេល​ ​៩៩​ ​ឆ្នាំ​។​
​
​លើស​ពីនេះ​ទៀត​ ​ប្រព័ន្ធ​ផ្សព្វផ្សាយ​ក្នុង​ស្រុក​បាន​រាយការណ៍​ថា​ ​លោក​ ​ភិរុណ​ ​អភិបាលខេត្ត​ ​បាន​ឃុបឃិតជាមួយ​ក្រុមហ៊ុន​ ​ដើម្បី​លក់​ដី​នេះ​។​លោក​ ​ភិរុណ​ ​កាលពី​ម្សិលមិញ​បាន​បដិសេធ​ ​របាយការណ៍​របស់​ប្រព័ន្ធ​ផ្សព្វផ្សាយ​ក្នុង​ស្រុក​ ​ដោយ​កត់សម្គាល់​ថា​ ​រដ្ឋាភិបាល​មាន​គោលបំណង​ប្រើប្រាស់​ដី​នេះ​ ​សម្រាប់​ការអភិវឌ្ឍន៍​។​
​
​លោក​បាន​មានប្រសាសន៍​ថា​ ​”​វា​មិនមែន​ជា​ការទិញ​លក់​នោះ​ទេ​ ​វា​គឺ​សម្រាប់​ជួល​តែប៉ុណ្ណោះ​”​។​ ​”​ដំណើរការ​នេះ​និង​ធ្វើតាម​នីតិវិធី​ច្បាប់​”​ ​។​
​
​ពេល​ដែល​មាន​សំនួរ​សួរ​ថា​ ​តើ​ក្រុមហ៊ុន​នឹង​ជួល​ដី​សម្រាប់​ធ្វើអ្វី​ខ្លះ​ ​លោក​ ​ភិរុណ​ ​បាន​និយាយ​ថា​ ​ក្រសួង​នៅតែ​ធ្វើការ​ពិភាក្សា​បន្ថែម​ទៀត​។​
​
​លោក​បាន​មានប្រសាសន៍​ថា​ ​”​យើង​នឹង​ធ្វើ​កិច្ចប្រជុំ​ជាមួយ​ក្រសួង​ពាក់​ព័ន្​ឋ​ ​ដើម្បី​វាយតម្លៃ​លម្អិត​”​។​ ​វា​មិនមែន​ជា​កម្មសិទ្ឋិ​របស់​នរណា​ម្នាក់​ទេ​។​​លោក​ ​ភិរុណ​ ​បាន​បន្ថែម​ថា​ ​”​យើង​បានសម្រេច​ចិត្ត​ជួល​វា​ទៅ​ឲ្យ​ក្រុមហ៊ុន​ ​ពីព្រោះ​វា​នឹង​ផ្តល់​ប្រយោជន៍​ដល់​ប្រទេស​យើង​”​ ​។​ ​”​ទីមួយ​ ​យើង​អាច​បង្ការ​ប្រជាពលរដ្ឋ​ពី​ការរំលោភ​បំពាន​ដី​។​ ​ទីពីរ​ ​យើង​អាច​បញ្ចប់​ជម្លោះដីធ្លី​។​ ​ទីបី​ ​យើង​អាច​អភិវឌ្ឍ​ដីធ្លី​ដើម្បី​ប្រយោជន៍​ដល់​រដ្ឋ​»​។​
​
​លោក​បាន​កត់សម្គាល់​ថា​ ​ក្រុមការងារ​កំពុងធ្វើការ​វាស់វែង​ដី​ដើម្បីឲ្យ​ក្រុមហ៊ុន​ ​ទូទាត់​សំណង​ដល់​កសិករ​។​
​
​លោក​ ​ភិរុណ​ ​បាន​មានប្រសាសន៍​ថា​ ​”​រហូតមកដល់​ពេលនេះ​មានតែ​ ​៩គ្រួសារ​ប៉ុណ្ណោះ​ក្នុងចំណោម​ ​៧០​ ​គ្រួសារ​ដែល​បាន​បដិសេធ​សំណង​។​ ​ពួកគេ​កំពុង​ព្យាយាម​ទាមទារ​សំណង​បន្ថែម​ទៀត​ ៕​

ប្រភព ៖ khmertimes