Weir និង Ken ថតរូបជុំគ្នាម្តងទៀត ធ្វើឲ្យហ្វេនៗ កាន់តែចាប់អារម្មណ៍
ថៃ៖ ក្រោយពីតារាសម្តែងប្រុសសម្បុរសស្រអែម Weir Sukollawat បានផុសរូបមួយសន្លឹកជាមួយដៃគូចាស់ គឺតារាសម្តែងប្រុស Ken Phupoom នៅក្នុងគណនីអ៊ីនស្តារក្រាមផ្ទាល់ខ្លួន ខណៈពេលដែលពួកគេទាំងពីរកំពុងហាត់ប្រាណ ធ្វើឲ្យហ្វេនៗមានការចាប់អារម្មណ៍យ៉ាងខ្លាំង។
នៅក្នុងរូបនោះ Weir និង Ken បានដោះអាវបង្ហាញសាច់ដុំ និងរូបរាងដ៏សង្ហា ដែលឃើញហើយមិនសរសើរមិនបាន ពីដងខ្លួនដ៏ល្អឥតខ្ចោះរបស់ពួកគេ។
គ្រាន់តែបានឃើញរូប ដែលពួកគេថតជាមួយគ្នាភ្លាម ហ្វេនៗចាប់ផ្តើមនាំគ្នារំលឹកពីរឿងចាស់ៗភ្លែត ព្រោះកាលពីមុន Weir និង Ken តែងតែថតរូបជុំគ្នា និងមានភាពស្និទ្ធស្នាលខ្លាំង រហូតដល់មានអ្នកគាំទ្រក្រៅស្រុកមួយចំនួន ច្រឡំថាពួកគេស្រលាញ់គ្នាទៀតផង។
យ៉ាងណាមិញពួកគេតែងតែព្យាយាម បកស្រាយចំពោះរឿងដែលគ្រប់គ្នាយល់ច្រឡំ ថា ពួកគេទាំងពីរជិតស្និទ្ធគ្នាក្នុងនាមជាមិត្តភក្តិ ឬបងប្អូនតែប៉ុណ្ណោះ។ ម្យ៉ាងវិញទៀត ពួកគេសុទ្ធតែមានម្ចាស់បេះដូងរៀងខ្លួនរួចហើយ ហើយក៏មិនអាចមានរឿងបែបនេះកើតឡើងនោះទេ៕
ចំរើន
កំសាន្ត ដែលមើលច្រើន
