ប្រេស៊ីលបញ្ចប់តួនាទី គ្រូបង្វឹក Carlos Dunga ជាផ្លូវការ, លេចចេញឈ្មោះអ្នកជំនួស
លោក Carlos Dunga ត្រូវបានសហព័ន្ធកីឡាបាល់ទាត់ប្រទេសប្រេស៊ីល បញ្ចប់តួនាទីជាគ្រូបង្វឹកក្រុម ជម្រើសជាតិ បន្ទាប់ពីក្រុមជម្រើសជាតិប្រេស៊ីល មិនអាចឆ្លងវគ្គជម្រុះពូល ក្នុងការប្រកួតពានរង្វាន់ Copa America 2016។
លោក Dunga ត្រូវបានគេហៅឡើងទៅទីស្នាក់ការកណ្តាល សហព័ន្ធកីឡាបាល់ទាត់ប្រទេសប្រេស៊ីល កាលពីថ្ងៃអង្គារ ហើយបន្ទាប់ពីមានកិច្ចប្រជុំខ្លីមួយ លោក Dunga ជាមួយនឹង ជំនួយការរបស់លោក គឺលោក Gilmar Rinaldi និងសហការី ក៏ត្រូវបានគេបណ្តេញចេញពីតួនាទី។ សេចក្តីប្រកាសជាផ្លូវការ របស់សហព័ន្ធកីឡាបាល់ទាត់ប្រទេសប្រេស៊ីល ក៏បានប្រកាសឡើងមិនយូរប៉ុន្មាន បន្ទាប់ពីនោះ។
លោក Carlos Dunga
សេចក្តីសម្រេចនេះ ត្រូវបានធ្វើឡើង ដោយយោងទៅលើលទ្ធផល ដែលមិនមែនតែនៅក្នុងពានរង្វាន់ Copa America នោះទេ គឺគិតទាំងក្នុងវគ្គជម្រុះពូលនៅ World Cup 2018 របស់ក្រុមជម្រើសជាតិ ប្រស៊ីល។ នៅ Copa America ឆ្នាំនេះ ប្រេស៊ីលអាចយកឈ្នះបានតែលើ Haiti ស្មើជាមួយ Ecuador និងចាញ់ Peru ដែលធ្វើឲ្យក្រុមធ្លាក់ពូលតែម្តង។ បរាជ័យនៅ Copa America 2016 គឺជាលើកទី១ ហើយចាប់តាំងពីឆ្នាំ ១៩៨៧ ដែលជម្រើសជាតិប្រេស៊ីលត្រូវបានអវត្តមានពីពានរង្វាន់នេះ ដោយមិន បានឆ្លងចូលដល់វគ្គ knock-out។
បច្ចុប្បន្នមានមតិសាធារណៈជាច្រើន បានរំពឹងទុកថា លោក Tite គ្រូបង្វឹករបស់ក្លឹប Corinthians នឹង ក្លាយជាអ្នកជំនួសតួនាទីរបស់លោក Dunga។ លោក Tite គឺជាកូនសិស្សរបស់លោក Luiz Felipe Scolari និងមានបទពិសោធន៍ជាគ្រូបង្វឹក ២៦ឆ្នាំហើយនៅប្រទេសប្រេស៊ីល និងកន្លែងជាច្រើនផ្សេង ទៀត នៅទូទាំងពិភពលោក៕
ប្រែសម្រួល៖ មង្គល
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
