CamNews

​​នគរបាល​ក្នុង​ស្រុក​កំពង់​រោទ៍​ ​ខេត្តស្វាយរៀង​កាលពី​ថ្ងៃសុក្រ​ ​បាន​ចាប់ខ្លួន​គិលានុបដ្ឋាយិកា​ឯកជន​ម្នាក់​ ដែល​គ្មាន​អាជ្ញាប័ណ្ណ​បន្ទាប់ពី​គាត់​បាន​ចាក់ថ្នាំ​ ​បណ្តាល​ឲ្យ​អ្នកភូមិ​ម្នាក់​ស្លាប់។​
​
​លោក​​វរសេនីយ៍ឯក​ ​មុំ​ ​សា​រុន​ ​អធិការរងស្រុក​​​បាន​ឲ្យដឹង​ថា​ ​ជនសង្ស័យ​ឈ្មោះ​ ​ព្រាប​ ​សេ​ ​អាយុ​ ​៦៣​ ​ឆ្នាំ​ ​ដែល​តែងតែ​ព្យាបាល​ឲ្យ​អ្នកភូមិ។​
​
​លោក​បាន​និយាយ​ថា​ ​កាលពី​ថ្ងៃសុក្រ​ ​លោក​ ​ព្រាប​ ​សេ​ ​បាន​ទៅ​ចាក់ថ្នាំ​ឲ្យ​ជនរងគ្រោះ​ ​លោក​ ​ផុន​ ​ម៉ា​ប់​ ​អាយុ​ ​៤៥​ ​ឆ្នាំ​ដែល​មាន​ជំងឺ​ឈឺបំពង់ក។​”​លោក​ ​ម៉ា​ប់​ ​បាន​ស្លាប់​បន្ទាប់ពី​លោក​ ​សេ​ ​បាន​ចាក់ថ្នាំ​បាន​ពាក់កណ្តាល​សា​រ៉ាង​ ​ដើម្បី​ព្យាបាល​ឈឺបំពង់ក​របស់​គាត់​”​ ​។​ ​យើង​សន្និដ្ឋាន​ថា​ ​ជនរងគ្រោះ​បាន​ស្លាប់​ដោយសារតែ​ប្រតិកម្ម​ថ្នាំ​ ​បន្ទាប់ពី​គ្រួសារ​របស់​គាត់​បាន​ប្រាប់​យើង​ថា​ ​គាត់​មាន​បញ្ហា​ប្រតិកម្ម​នឹង​ថ្នាំ​ដូចជា​ ​ប៉ា​រ៉ា​សេ​តា​មុ​ល​ជាដើម។​

​
​លោក​បាន​កត់សម្គាល់​ថា​ ​ទោះបី​គ្រួសារ​ជនរងគ្រោះ​មិនបាន​ដាក់​ពាក្យ​បណ្តឹង​ ​តែ​សមត្ថកិច្ច​បាន​ចាប់ខ្លួន​ជនសង្ស័យ​ ​ដោយសារតែ​គាត់​ចាក់ថ្នាំ​បណ្ដាលឲ្យ​មនុស្សម្នាក់​ស្លាប់។​
​
​លោក​បាន​និយាយ​ថា​ ​”​យើង​បាន​ចាប់ខ្លួន​គាត់​ ​បន្ទាប់ពី​អ្នកភូមិ​បាន​ប្រាប់​យើង​អំពី​ករណីនេះ​ ​ហើយ​យើង​បាន​បញ្ជូន​គាត់​ទៅ​សាកសួរ​ ​នៅ​ការិយាល័យ​កណ្តាល​នគរបាល​ខេត្ត​ ​កាលពី​ថ្ងៃសៅរ៍​”​។​ ​”​យើង​មិនដឹង​ថា​តើ​គាត់​ ​នឹង​ត្រូវ​បញ្ជូន​ទៅកាន់​តុលាការ​ ​ឬក៏​យ៉ាងណា​ទេ​”​។​យោង​តាម​របាយការណ៍​ ​របស់អធិការដ្ឋាននគរបាលស្រុក​បាន​ឲ្យដឹង​ថា​ ​លោក​ ​ម៉ា​ប់​ ​មាន​ជម្ងឺ​ឈឺក​ធ្ងន់ធ្ងរ​ពីរ​ថ្ងៃ​មក​ហើយ​ ​មុននឹង​ហៅ​លោក​ សេ​ ​មក​ព្យាបាល​គាត់។​
​
​របាយការណ៍​បាន​បន្ថែម​ថា​ ​ជនសង្ស័យ​បាន​ចាក់ថ្នាំ​ឲ្យ​ជនរងគ្រោះ​ ​ហើយ​ជនរងគ្រោះ​បាន​ស្លាប់​បន្ទាប់ពី​ការ​ក្ដៅខ្លួន​ ​និង​មាន​ចេញ​កន្ទួល​រមាស់។​
​
​មន្រ្តី​មន្ទីរ​សុខាភិបាល​ខេ​ត្ដ​ពេល​កន្លងទៅ​ ​បាន​ព្រមាន​លោក​ ​សេ​ ​មិន​ឲ្យ​ធ្វើជា​គិលានុបដ្ឋាយិកា​ទេ​ ​ព្រោះ​គាត់​មិន​មាន​លក្ខណៈ​សម្បត្តិ​គ្រប់គ្រាន់។​​

គាត់​មិនបាន​ស្តាប់​តាម​ការព្រមាន​នេះ​ទេ​ ​ដោយសារ​គាត់​ធ្លាប់​បាន​ហ្វឹកហាត់​ជា​គិលានុបដ្ឋាយិកា​ ​ក្នុង​របប​ប៉ុ​លព​ត ៕

ប្រភព ៖ khmertimes