ក្រសួងសុខាភិបាល៖ ប្រយ័ត្នជំងឺ ៧មុខ ដែលកើតមានញឹកញាប់ក្នុងរដូវភ្លៀង
ភ្នំពេញ៖ ក្រសួងសុខាភិបាល បានអំពាវនាវដល់ប្រជាពលរដ្ឋទាំងអស់ ត្រូវប្រុងប្រយ័ត្នជំងឺចំនួន ៧មុខ ដែលកើតមានញឹកញាប់ក្នុងរដូវភ្លៀង ក្រោយពីក្រសួងធនធានទឹកបានប្រកាសថា រដូវវស្សាបានឈានមកហើយកាលពីក្នុងសប្តាហ៍ទី៣នៃខែឧសភានេះ។
លោក លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានឲ្យដឹងកាលពីថ្ងៃសៅរ៍ថា ជំងឺ៧មុខ ដែលកើតមានញឹកញាប់នៅក្នុងរដូវភ្លៀងនោះ មានដូចជា ជំងឺគ្រុនឈាមនិងគ្រុនចាញ់ ជំងឺគ្រុនផ្តាសាយ ជំងឺគ្រុនក្តៅ ជំងឺចំលងពីចំណីអាហារ ជំងឺចម្លងពីទឹក ជំងឺអាសន្នរោគ និងជំងឺលិបតូ ដែលចម្លងពីទឹកនោមសត្វកណ្តុរ ដែលច្រើនកើតមាននៅពេលមានលិចទឹក។
លោកលី សូវ៉ាន់ បានណែនាំនូវវិធានការមួយចំនួន ដើម្បីថែរក្សាសុខភាពក្នុងពេលរដូវភ្លៀង ដូចជា ត្រូវអនាម័យខ្លួនប្រាណ បំបាត់ដង្កូវទឹកនិងជម្រកមូស បរិភោគអាហារប្រកដោយអនាម័យ បរិភោគអាហារសំបូរវីតាមីនសេ ងូតទឹកក្រោយត្រូវទឹកភ្លៀង ទទួលទានទឹកយ៉ាងតិចឲ្យបាន២លីត្រក្នុងមួយថ្ងៃ រក្សាអាវភ្លៀង ឆ័ត្រ និងស្បែកជើងលុយទឹកជាមួយអ្នកជានិច្ច និងត្រូវទទួលទានទឹកក្តៅ ទឹកស៊ុប ទឹកដោះគោក្តៅជាដើម។
លោកថា៖ «រដូវភ្លៀងឈានចូលមកដល់ហើយ សូមបងប្អូនការពារសុខភាពឲ្យបានល្អ»។
ការណែនាំរបស់ក្រសួងបានធ្វើឡើង ស្របពេលដែលក្រសួងធនធានទឹក និងឧតុនិយម បានជូនដំណឹងពីស្ថានភាពអាកាសធាតុថា រហូតមកដល់ពេលនេះ ឥទ្ធិពលបាតុភូត El Nino បានថយចុះជាបន្តបន្ទាប់ ប៉ុន្តែនៅតែបន្តមានអត្ថិភាពនៅលើកម្ពុជានៅឡើយ។ តែក្រសួងថា៖ «រដូវវស្សាសបានចាប់ផ្តើមហើយ ដោយគិតពីដើមសប្តាហ៍ទី៣ ខែឧសភា កន្លងមកនេះ»។
ក្រសួងបន្តថា ចាប់ពីថ្ងៃទី២១ដល់ថ្ងៃទី២៥ ខែឧសភា ជ្រលងសម្ពាធទាប និងខ្យល់មូសុងនិរតី ចាប់ផ្តើមបង្កើនឥទ្ធិពលឡើងវិញ ដែលជាហេតុធ្វើឲ្យកម្រិតទឹកភ្លៀងមាន ភាពកើនឡើងជាលំដាប់ក្នុងកម្រិតពីមធ្យមទៅបង្គួរ និងមានភាពរ៉ាយប៉ាយកាន់តែល្អប្រសើរ ខណៈដែលបាតុភូត(Thunderstorm)ផ្គររន្ទះ និងខ្យល់កន្ត្រាក់ នៅតែបន្តកើតមានច្រើន ដែលតម្រូវឲ្យមានការប្រុងប្រយ័ត្នខ្ពស់ ៕
ប្រភព ៖ khmertimes
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
សុខភាព ដែលមើលច្រើន
