CamNews

ស្វែងរកកំរិតខ្ពស់
ប្លែកៗ 

ខឹងនឹងការពិន័យកាតក្រហម កីឡាករប្រើក្បាលទង្គុកសម្លាប់អាជ្ញាកណ្ដាល រួចគេចខ្លួនបាត់

ការដែលកីឡាករខឹងខ្លាំង បន្ទាប់ពីអាជ្ញាកណ្ដាលហូតកាត់ក្រហមបណ្ដេញចេញពីទីលានបាល់
ទាត់ គឺជារឿងធម្មតា។ ប៉ុន្តែ មានករណីមួយដែលធ្ងន់ធ្ងរជាងនេះ នោះគឺកីឡាករស្ម័គ្រចិត្តម្នាក់នៅ
Mexico បានប្រើក្បាល “ទង្គុក” យ៉ាងខ្លាំងទៅលើអាជ្ញាកណ្ដាល បណ្ដាលឱ្យអាជ្ញាកណ្ដាល ស្លាប់
បាត់បង់ជីវិត។

កន្លែងកើតហេតុ​ នៅក្នុងក្រុង Tulancingo រដ្ឋ Hidalgo ប្រទេស Mexico 

យោងតាមសារព័ត៌មានក្នុងស្រុក ហេតុការណ៍ខាងលើនេះបានកើតឡើងនៅក្នុងការប្រកួតបាល់
ទាត់មិត្តភាពនៅក្នុងក្រុង Tulancingo រដ្ឋ Hidalgo ប្រទេស Mexico កាលពីថ្ងៃអាទិត្យ (០៦/វិច្ឆិកា)
កន្លងទៅ។ កីឡាករដែលមានឈ្មោះថា Ruben Rivera Vazquez បន្ទាប់ពីបានធ្វើឱ្យមានកំហុស
ឆ្គងធ្ងន់ធ្ងរទៅលើកីឡាករនៃក្រុមគូប្រជែង ត្រូវបានអាជ្ញាកណ្ដាល Victor Trejo ហូតកាត់ក្រហម
បណ្ដេញចេញពីការប្រកួត។

ដោយសារតែខឹងខ្លាំងទៅនឹងការសម្រេចរបស់អាជ្ញាកណ្ដាល កីឡាករ Ruben បានប្រើក្បាល
របស់ខ្លួន ទង្គុកយ៉ាងខ្លាំងទៅលើដើមទ្រូងអាជ្ញាកណ្ដាល បណ្ដាលឱ្យដួលទៅលើដី។

ដំបូងឡើយ ក្រុមកីឡាករ និងទស្សនិកជន យល់ថា អាជ្ញាកណ្ដាលនេះគ្រាន់តែវិលមុខមិនអាច
ក្រោកបាន។ ប៉ុន្តែ ក្រុមបុគ្គលិកពេទ្យដែលមានវត្តមាននៅកន្លែងកើតហេតុ បានពិនិត្យឃើញថា
បេះដូងរបស់អាជ្ញាកណ្ដាល Trejo បានឈប់ដើរទៅហើយ។ បើទោះជាមានការសង្គ្រោះបន្ទាន់
ប៉ុន្តែ ក្រុមគ្រូពេទ្យមិនអាចជួយអាជ្ញាកណ្ដាលនេះបាន។

ការប្រតិកម្ម​មួយ​របស់កីឡាករម្នាក់ បន្ទាប់ពី​ត្រូវ​អាជ្ញាកណ្ដាល​ដេញ​ចេញពីការប្រកួត​

ឆ្លៀងពេលស្ថានភាពកំពុងច្របូកច្របល់ ជនដៃដល់ Ruben ក៏បានគេចខ្លួនតាមរថយន្តមួយគ្រឿង។
បច្ចុប្បន្ន ជននេះកំពុងតែលាក់ខ្លួនពួកអាត្មា ហើយនគរបាលក៏កំពុងតែស្វែងរកជននេះដើម្បីនាំខ្លួន
មកផ្ដន្ទាទោសតាមច្បាប់៕

ប្រែសម្រួល ៖ តារា
ប្រភព ៖ Dailymail


Tags: បាល់ទាត់,  ហិង្សា,  សម្លាប់អាជ្ញាកណ្ដាល

ប្លែកៗ ដែលមើលច្រើន

ឃើញហើយអាណិតខ្លោចចិត្ដ! មិនគួរណាទុកកូនស្រីតូចឱ្យរងគ្រោះ ដល់ថ្នាក់ហ្នឹងសោះ!!

ក្មេងស្រីតូច ត្រូវបានគេឃើញព្យួរកជាប់នឹងប្រឡោះដែក ខណៈដែល

ក្មេងស្រីអាយុ ១៧ ឆ្នាំម្នាក់ចេះតែឈឺក្នុងពោះ ពេទ្យថា មានដុំសាច់មហារីក លុះវះឃើញពេទ្យស្រឡាំងកាំងគ្រប់គ្

ក្មេងស្រីវ័យជំទង់ម្នាក់ បានទំពារលេបសក់របស់នាងអស់ជាច្រើនឆ្នាំ ដែលនៅទីបំផុតក្រុមគ្រូពេទ្យ សម្រេចចិត្ដវះកាត់ ដើម្បីយកដុំសក់ដ៏ធំនោះចេញ .......

ស្ទើតែមិនគួរឲ្យជឿ!! រូបថត ៧ សន្លឹកនៅក្នុងប្រទេសថៃ ពិតជាធ្វើឲ្យទប់សំណើចមិនបានឡើយ

ស្ទើតែមិនគួរឲ្យជឿ!! រូបថត ៧ សន្លឹកនៅក្នុងប្រទេសថៃ ពិតជាធ្វើឲ្យទប់សំណើចមិនបានឡើយ