ចេះធ្វើរូបមន្ដនេះ បញ្ហាផ្លូវដង្ហើមរបស់អ្នក នឹងធូរស្បើយ
បញ្ហាសុខភាពមួយចំនួន ដែលយើងអាចនឹងជួបប្រទះ ក្នុងជីវិតប្រចាំថ្ងៃ គឺមានដូចជា ក្អក គ្រុនក្ដៅ គ្រុនរងារ រលាកក្រពេញអាមីដាល់ និងការឡើងស្លេស ។ ប្រសិនបើអ្នក កើតបញ្ហានេះ ញឹកញាប់ អ្នកគួរដឹងថា អ្នកអាចប្រើទឹកឃ្មុំ ដើម្បីជួយរក្សាសុខភាពផ្លូវដង្ហើមរបស់អ្នកឱ្យល្អប្រសើរ ។ រូបមន្ដ ធម្មជាតិនេះ ក៏អ្នកអាចប្រើជាមួយថ្នាំ ដែលវេជ្ជបណ្ឌិតចេញវេជ្ជបញ្ជាឱ្យប្រើផងដែរ ។
ទឹក និងទឹកឃ្មុំ
នេះ គឺជារូបមន្ដទឹកឃ្មុំ ដែលមានប្រសិទ្ធភាពជំនួយដល់សុខភាពផ្លូវដង្ហើមរបស់អ្នក ។ រូបមន្ដនេះ ងាយស្រួលក្នុងការធ្វើ និងធ្វើឱ្យអ្នកទទួលបាននូវអត្ថប្រយោជន៍យ៉ាងច្រើនពីភេសជ្ជៈនេះ ។
គ្រឿងផ្សំ
ទឹកឃ្មុំ ២ ស្លាបព្រាបាយ(២០ ក្រាម)
ទឹកពិសាធម្មតា ៣០០ មល
ទឹកក្រូចឆ្មារ ៣០ ក្រាម(មួយផ្លែ)
របៀបធ្វើ
ដាក់ដាំទឹកក្នុងឆ្នាំឱ្យពុះ
នៅពេលទឹកពុះដល់កម្រិតហើយ សូមពន្លត់ភ្លើង និងទុកវាចោលប្រហែល ៣ នាទី
ដាក់ទឹកឃ្មុំចូលក្នុងទឹកក្ដៅនោះ ២ ស្លាបព្រាបាយ
សូមកុំភ្លេចដាក់ចំណិត ឬទឹកក្រូចឆ្មារ ដែលប្របាច់ថ្មីៗផង ៕
ប្រែសម្រួល៖ សារ៉ាត
ប្រភព៖ steptohealth
សុខភាព ដែលមើលច្រើន
